యాంకరింగ్ చేస్తూ లక్షలు సంపాదిస్తోన్న సుమ ఓ అభిమానిని లైవ్ లో వెయ్యి రూపాయలు అడిగి ఆశ్చర్యపరిచింది. బుల్లితెరపై మహారాణిలా చెలామణి అవుతోన్న సుమ.. ఇటీవల సొంతంగా యూట్యూబ్ ఛానెల్ ని మొదలుపెట్టింది. అందులో పలు రకాల వంట కార్యక్రమాలతో పాటు సెలబ్రిటీలను ఇంటర్వ్యూలు కూడా చేస్తోంది. ఇందులో వచ్చే కార్యక్రమాలు ప్రేక్షకులను ఎంతగానో అలరిస్తున్నాయి. ప్రస్తుతం ఈమె యూట్యూబ్ ఛానెల్ 1 మిలియన్ సబ్ స్క్రైబర్ లకు చేరువలో ఉంది.
అప్పుడప్పుడు తన ఫ్యాన్స్ ని అలరించడానికి సోషల్ మీడియాలో లైవ్ ఇస్తుంటుంది సుమ. ఈ క్రమంలో తాజాగా లైవ్ లో పాల్గొంది. ఫ్యాన్స్ తో మాట్లాడుతూ.. నెటిజన్లు పెట్టే కామెంట్స్ ను చదివి వాటికి సమాధానాలు ఇస్తుంటుంది. అందరి మెసేజ్ లను చదివి బదులిచ్చే సమయం సెలబ్రిటీలకు ఉండదు కాబట్టి కొన్ని మెసేజ్ లను స్కిప్ చేస్తుంటారు. సుమ కూడా అలానే చేస్తుండడంతో ఓ నెటిజన్ అతితెలివి ప్రదర్శించాడు. ‘చూడండి సుమ గారూ.. మీరు నా కామెంట్‌కు రిప్లై ఇవ్వరు.
దీనికోసం రూ.1000 పందెం’ అంటూ కామెంట్ పెట్టాడు. ఇది చూసిన సుమ.. అతడికి రిప్లై ఇస్తూ.. నా అకౌంట్ నెంబర్ పంపిస్తున్నా.. వెయ్యి రూపాయలు ట్రాన్స్ఫర్ చేసేయ్ అంటూ పంచ్ ఇచ్చింది. ఇది చూసిన నెటిజన్లు.. అందుకే సుమక్కతో మాట్లాడేప్పుడు జాగ్రత్తగా ఉండాలంటూ సలహాలు ఇస్తున్నారు. ప్రస్తుతం సుమ టీవీ షోలతో పాటు తన కొడుకుని హీరోగా చేసే పనిలో పడింది. తన కొడుకు డెబ్యూ ఫిలిం కోసం నిర్మాతగా కూడా మారుతోంది.
Most Recommended Video
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
