నిజానికి ఒక్క ప్లాప్ ఇస్తేనే దర్శకుల పరిస్థితి అగమ్యగోచరంగా తయారవుతున్న ఈ రోజుల్లో.. ఓ పక్కన చేసిన సినిమాలు ప్లాప్ అవుతున్నా వరుస ఆఫర్లను దక్కించుకుంటున్నాడు ఓ యంగ్ డైరెక్టర్. అతను మరెవరో కాదు అనీష్ కృష్ణ. 2014 లో వచ్చిన ‘అల ఎలా?’ తో డీసెంట్ హిట్ అందుకున్న అనీష్.. అటు తర్వాత ‘లవర్’ ‘గాలి సంపత్’ వంటి ప్లాప్ లను మూటకట్టుకున్నాడు. అయినప్పటికీ ఇతనికి వరుస ఆఫర్లు దక్కుతున్నాయి.
యంగ్ హీరోలు ఇతన్ని నమ్మి సినిమాలు చేయడానికి ముందుకొస్తున్నారు. ప్రస్తుతం ఇతను నాగ శౌర్యతో ఓ మూవీ చేస్తున్నాడు. ఆల్రెడీ నెల రోజుల క్రితమే అనౌన్స్మెంట్ వచ్చింది. కానీ సెకండ్ వేవ్ ఎఫెక్ట్ వల్ల షూటింగ్ ఆగిపోయింది. ఈరోజు నుండీ తిరిగి ప్రారంభిచారు. ఈ సినిమా ఇంకా పూర్తి కాకుండానే మరో హీరోతో సినిమా సెట్ చేసుకున్నాడట అనీష్. అది కూడా మెగా హీరోతో..! వివరాల్లోకి వెళితే.. అనీష్ ఇటీవల మెగా మేనల్లుడు సాయి తేజ్ ను కలిసి ఓ కథ వినిపించాడట.
ఆ కథ సాయి తేజ్ కు నచ్చింది. ప్రస్తుతం సాయి తేజ్ చేస్తున్న సినిమాలు కంప్లీట్ అయ్యాక.. దీని పై దృష్టి పెట్టె అవకాశం ఉందట. అంతేకాదు మెగాస్టార్ చిరంజీవి చిన్నల్లుడు కళ్యాణ్ దేవ్ కు కూడా ఓ కథ వినిపించాడట. దీనికి కూడా గ్రీన్ సిగ్నల్ లభించింది. ఇలా ఒక సినిమా పూర్తయ్యేలోపే మరో ప్రాజెక్టు సెట్ చేసుకోవడం మామూలు విషయం కాదనే చెప్పాలి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
