నటి అనుపమ పరమేశ్వరన్ మలయాళీ అమ్మాయి అయినప్పటికీ టాలీవుడ్ లో మంచి గుర్తింపు తెచ్చుకుంది. కెరీర్ ఆరంభంలో ‘ప్రేమమ్’, ‘అఆ’, ‘శతమానం భవతి’ వంటి సినిమాలతో వరుస విజయాలను అందుకుంది. అయితే ఆ తరువాత మాత్రం తన సక్సెస్ ట్రాక్ ని కంటిన్యూ చేయలేకపోయింది. మధ్యలో ఫ్లాప్ లు వచ్చినప్పటికీ.. ‘రాక్షసుడు’ సినిమాలో నటించి మరో హిట్ అందుకుంది. కానీ ఆమె లైమ్ లైట్ లో లేకపోవడం ఆశ్చర్యాన్ని కలిగిస్తోంది.
టాలీవుడ్ లో ఆమెకి ఇక అవకాశాలు రావడం కష్టమేనని అనుకున్నారు. కానీ ఇప్పుడు మరో ఛాన్స్ పట్టేసి ప్రేక్షకులను ఎంటర్టైన్ చేయడానికి రెడీ అవుతోంది. నిఖిల్ హీరోగా దర్శకుడు సూర్యప్రతాప్ ఓ సినిమాను రూపొందించబోతున్నారు. ఈ సినిమాకి సుకుమార్ స్క్రిప్ట్ అందిస్తున్నారు. గీతాఆర్ట్స్, సుకుమార్ రైటింగ్స్ సంయుక్తంగా సినిమాను నిర్మించనున్నారు. ఈ సినిమాలో అనుపమ పరమేశ్వరన్ హీరోయిన్ గా నటించనున్నట్లు చిత్రబృందం వెల్లడించింది. నిజానికి మొదటి నుండి కూడా అనుపమనే హీరోయిన్ గా తీసుకోవాలనుకున్నారు.
కానీ మధ్యలో తెరపైకి ప్రియాంక అరుళ్ మోహన్ పేరొచ్చింది. ‘గ్యాంగ్ లీడర్’ తో ఆకట్టుకున్న ఈ బ్యూటీని నిఖిల్ పక్కన హీరోయిన్ గా తీసుకున్నట్లు వార్తలు హల్చల్ చేశాయి. కానీ ఆ వార్తల్లో నిజం లేదంటూ అనుపమని హీరోయిన్ గా అనౌన్స్ చేశారు. ఓ డైరీ నేపథ్యంలో ఈ సినిమా సాగుతుందట. ఇందులో హీరోయిన్ పాత్రకి ఎక్కువ ప్రాధాన్యత ఉంటుందని చెబుతున్నారు. మరి ఈ సినిమాతో అనుపమ ఎలాంటి హిట్ అందుకుంటుందో చూడాలి!
Most Recommended Video
టాలీవుడ్ లో తెరకెక్కిన హాలీవుడ్ చిత్రాలు!
బిగ్‌బాస్‌ ‘రౌడీ బేబీ’ దేత్తడి హారిక గురించి ఈ విషయాలు మీకు తెలుసా?
రజినీ టు ఎన్టీఆర్.. జపాన్ లో కూడా అదరకొట్టిన హీరోలు వీళ్ళే..!
