‘బాహుబలి2’, ‘భాగమతి’ చిత్రాల తర్వాత మరే చిత్రంలోనూ అనుష్క కనిపించలేదు. అనుష్క చివరిగా నటించిన ‘భాగమతి’ చిత్రం 2018 లో విడుదలయ్యింది. ప్రస్తుతం అనుష్క ‘సైలెన్స్’ అనే మూవీలో నటిస్తుంది. హేమంత్ మధుకర్ డైరెక్ట్ చేస్తున్న ఈ చిత్రంలో కోలీవుడ్ నటుడు మాధవన్ హీరోగా నటిస్తున్నాడు. అనుష్క ప్రధాన పాత్రలో నటిస్తున్న ఈ చిత్రంలో అంజలి,షాలినీ పాండే కూడా కీలక పాత్రలు పోషిస్తున్నారు. సస్పెన్స్ థ్రిల్లర్ గా తెరకెక్కుతున్న ఈ చిత్రాన్ని ఎక్కువశాతం అమెరికాలో చిత్రీకరించబోతున్నారు.
అయితే పాస్ పోర్ట్ సమస్య వల్ల అనుష్క ఇప్పటివరకూ అమెరికా వెళ్ళలేదు. ఇప్పుడు ఆ సమస్య తీరిపోయింది కాబట్టి అమెరికా పయనమవ్వబోతుంది అనుష్క. ఆమెతో పాటు చిత్ర యూనిట్ సభ్యులు మొత్తం అమెరికా వెళ్ళబోతున్నారట. కోనవెంకట్ నిర్మాణంలో రూపొందుతున్న ఈ చిత్రాన్ని తెలుగు,తమిళ్ మరియు హిందీ భాషల్లో కూడా విడుదల చేయబోతున్నారు. ఈ చిత్రంకోసం అనుష్క విదేశాలకు వెళ్ళి సహజ సిద్దమైన వైద్యం తీసుకుని సన్నగా మారింది అనుష్క. కథ డిమాండ్ చేయడం వలనే అనుష్క ఇలా స్లిమ్ అయ్యిందట. మరి అనుష్క ఇంత కష్టపడుతున్న ఈ చిత్రం ఆమెకు ఎటువంటి ఫలితాన్ని ఇస్తుందో చూడాలి.
