నందమూరి అభిమానులలో చోటు చేసుకున్న అతిపెద్ద అసహనం..మోక్షజ్ఞ ఎంట్రీ. బాలయ్య నటవారసుడు వెండి తెర ఎంట్రీ ఇవ్వాలని చాలా కాలంగా వారు కోరుకుంటున్నారు. మోక్షజ్ఞ ఏజ్ ప్రస్తుతం 25ఏళ్ళు. ఈ వయసుకి జూనియర్ ఎన్టీఆర్ బ్లాక్ బస్టర్ అండ్ ఇండస్ట్రీ హిట్స్ తో టాప్ స్టార్స్ లో ఒకడిగా ఎదిగాడు. ఇక ఆయన తండ్రి బాలయ్య సైతం టీనేజ్ లోనే వెండి తెరకు పరిచయం అయ్యాడు. మోక్షజ్ఞ మాత్రం ఇంత వరకు ముఖానికి రంగు వేసుకోలేదు.
మోక్షజ్ఞకి సినిమాపై ఆసక్తి లేదని ప్రచారం జరుగుతుండగా ఆయన ఇంకా వెండి తెరకు పరిచయం కాకపోవడం అది నిజమే అనే అనుమానాలు లేవనెత్తుతుంది. ఇక బాలయ్య తాజా ఇంటర్వ్యూలో కూడా దీనిపై స్పందించారు. దేవతలు ఆశీర్వదించిన రోజున అది జరుగుతుంది అన్నారు. అలాగే సినిమాపై మోక్షజ్ఞకు ఆసక్తి ఉందని, మంచి మూడ్ చూసి లాంచ్ చేయడమే అన్నారు. మరి బాలయ్య ఆశించే ఆ మూడ్ మోక్షజ్ఞలో ఎప్పుడు కలుగుతుందో చూడాలి.
ఇక మోక్షజ్ఞను లాంచ్ చేయడానికి బోయపాటి శ్రీను, అనిల్ రావిపూడి వంటి దర్శకులు సిద్ధంగా ఉన్నారు. మరో ప్రక్క బాలయ్య ఫ్యాన్స్ వేయి కళ్ళతో ఎదురు చూస్తున్నారు. ఇంత మందిని ఎదురుచూసేలా చేస్తున్న మోక్షజ్ఞకు సినిమా పై మనసు మళ్లాలని ఆశిద్దాం.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
