నాగబాబుని ఓ ఆట ఆడేసుకుంటున్న బాలయ్య ఫ్యాన్స్..!

ఇటీవల స్టార్ హీరో బాలకృష్ణ చేసిన కామెంట్స్ పెద్ద ధూమారాన్నే రేపాయి. ఇండస్ట్రీ పెద్దలంతా కలిసి లాక్ డౌన్ వల్ల ఆగిపోయిన షూటింగ్ లను తిరిగి ప్రారంభించాలి.. టాలీవుడ్ భవిష్యత్తుని చక్క పెట్టాలి అనే ఉద్దేశంతో మంత్రి తలసాని శ్రీనివాస యాదవ్ తో మీటింగ్ లు కండక్ట్ చేస్తున్న సంగతి తెలిసిందే. మెగాస్టార్ చిరంజీవి సారధ్యంలో ఈ మీటింగ్ లు జరిగాయి. నాగార్జున, దిల్ రాజు, అల్లు అరవింద్, సి.కళ్యాణ్ వంటి వారు ఈ మీటింగ్స్ లో పాల్గొన్నారు.

అయితే బాలయ్యను మాత్రం ఎవ్వరూ పిలవలేదని అసంతృప్తి వ్యక్తం చేస్తూ బహిరంగంగానే మండిపడ్డారు. ‘తలసాని తో రియల్ ఎస్టేట్ బిజినెస్ చేస్తూ.. భూములు పంచుకోవడానికి మీటింగ్లు పెడుతున్నారా’ అంటూ కామెంట్స్ చేసాడు. దీనికి మెగా బ్రదర్ నాగబాబు ఫైర్ అవుతూ.. వీడియోలు రిలీజ్ చేసాడు. ‘బాలయ్య తన నోరుని అదుపులో పెట్టుకుంటే మంచిది. ఇలాంటి కామెంట్స్ చేసినందుకు క్షమాపణ చెప్పాలి అంటూ కూడా డిమాండ్ చేసాడు’ అంటూ ఫైర్ అయ్యాడు.

గతంలో కూడా బాలయ్య పై నాగబాబు విరుచుకుపడుతూ వీడియోలు చేసిన సంగతి తెలిసిందే. ఇదిలా ఉంటే.. ఎన్నికల సమయంలో బాలయ్య.. మెగా ఫ్యామిలీ పై విమర్శిస్తూ చేసిన కామెంట్స్ ను మరొక్కసారి గుర్తుచేశాడు. దీనికి బాలయ్య ఫ్యాన్స్.. నాగబాబు పై ఫైర్ అవుతున్నారు. #WeStandWithBalayya #WeSupportBalakrishna అనే హ్యాష్ ట్యాగ్ లతో నాగబాబుని ట్రోల్ చేస్తూ వీడియోలు పెడుతున్నారు. ఇప్పుడు ఈ హ్యాష్ ట్యాగ్ లతో చేస్తున్న వీడియోలు తెగ వైరల్ అవుతున్నాయి.

Most Recommended Video

రన్ మూవీ రివ్యూ & రేటింగ్
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
ఎన్టీఆర్ రిజెక్ట్ చేసిన 12 సినిమాలు!