హీరో బెల్లంకొండ శ్రీనివాస్ అరంగేట్రమే భారీగా జరిగింది. నిర్మాత బెల్లంకొండ సురేష్ కుమారుడిగా టాలీవుడ్ కి పరిచయమైన బెల్లంకొండ శ్రీనివాస్ ఫస్ట్ మూవీనే హిట్ అందుకున్నాడు. వి వి వినాయక్ దర్శకత్వంలో, సమంత హీరోయిన్ గా తెరకెక్కిన అల్లుడు శీను సాయి శ్రీనివాస్ మొదటి చిత్రం. స్టార్ డైరెక్టర్, స్టార్ హీరోయిన్ తో పాటు సూపర్ ఫార్మ్ లో ఉన్న తమన్నాను ఐటమ్ సాంగ్ కోసం తీసుకోవడం జరిగింది. ఈ ఒక్క సాంగ్ కొరకే ఆమెకు కోటి వరకు ముట్టజెప్పినట్టు అప్పట్లో వార్తలు వచ్చాయి. 30కోట్లకు పైగా బడ్జెట్ తో ఈ మూవీని నిర్మించారు.
ఓ డెబ్యూ హీరోకి ఇంత బడ్జెట్ అంటే అది ఆషామాషి విషయం కాదు. ఐతే ఆ సినిమా తరువాత యాక్షన్ సినిమాలనే చేస్తూ వచ్చిన సాయి శ్రీనివాస్ కి ఆ ఇమేజ్ ఏర్పడిపోయింది. సాయి శ్రీనివాస్ అంటే భారీ ఫైట్స్ ఉంటాయనే ముద్ర పడిపోయింది. ఇక గత ఏడాది రాక్షసుడు అనే క్రైమ్ థ్రిల్లర్ లో నటించి హిట్ అందుకున్నారు. తమిళ హిట్ మూవీకి రాక్షసన్ కి రీమేక్ గా వచ్చిన ఈ మూవీలో శ్రీనివాస్ కి జంటగా అనుపమ నటించింది.
హిట్ వచ్చినా కొంచెం గ్యాప్ తీసుకొని బెల్లంకొండ సంతోష్ శ్రీనివాస్ డైరెక్షన్ లో అల్లుడు అదుర్స్ అనే కామెడీ అండ్ యాక్షన్ ఎంటర్టైనర్ చేస్తున్నారు. ఈ మూవీలో కామెడీ యాంగిల్ హైలెట్ గా సంతోష్ శ్రీనివాస్ సినిమా తెరకెక్కిస్తున్నారని టాక్. మరి ఈ యాక్షన్ హీరో కామెడీ చేస్తే వర్క్ అవుట్ అవుతుందా అనే డౌట్ కొడుతుంది. సినిమాటోగ్రఫి నుండి డైరెక్టర్ గా మారిన సంతోష్ శ్రీనివాస్ మొదటి చిత్రం కందిరీగ తో హిట్ అందుకున్నారు. ఐతే ఆయన ఆ తరువాత ఎన్టీఆర్ తో చేసిన రభస, రామ్ హీరోగా వచ్చిన హైపర్ విజయం సాధించలేదు. మరి ఈ ఇద్దరు శ్రీవాసుల కాంబినేషన్ హిట్ కొడుతుందో లేదో చూడాలి.
Most Recommended Video
తండ్రికి తగ్గ తనయలు అనిపిస్తున్న డైరెక్టర్స్ కూతుళ్లు!
నిర్మాతలుగా కూడా సత్తా చాటుతున్న టాలీవుడ్ హీరోలు!
టాలీవుడ్ టాప్ హీరోల వరస్ట్ లుక్స్ ఇవే!
