టాలీవుడ్ స్టార్ హీరో రామ్ చరణ్, కోలీవుడ్ స్టార్ డైరెక్టర్ శంకర్ కాంబినేషన్ లో దిల్ రాజు నిర్మాతగా ఒక సినిమా తెరకెక్కుతున్న సంగతి తెలిసిందే. జులై నెలలో ఈ సినిమా షూటింగ్ ప్రారంభం కానుంది. ఈ సినిమా షూటింగ్ ప్రారంభం కావడానికి చాలా సమయం ఉన్నా ఈ సినిమాకు సంబంధించి ఒక గాసిప్ సోషల్ మీడియాలో తెగ వైరల్ అవుతోంది. బాలీవుడ్ స్టార్ హీరో ఒకరు ఈ సినిమాలో నటించబోతున్నారని ఇండస్ట్రీ వర్గాల్లో ప్రచారం జరుగుతోంది.
ఈ సినిమాలో ఒక పవర్ ఫుల్ పాత్రలో బాలీవుడ్ స్టార్ హీరో సల్మాన్ ఖాన్ కనిపించనున్నట్టు తెలుస్తోంది. అయితే వైరల్ అవుతున్న వార్తలో నిజానిజాలు తెలియాలంటే కొంతకాలం ఆగాల్సిందే. సల్మాన్ ఖాన్ ఈ సినిమాలో నటిస్తే బాలీవుడ్ లో కూడా ఈ సినిమా రికార్డుస్థాయిలో బిజినెస్ చేసే అవకాశాలు ఉంటాయి. శంకర్ సల్మాన్ ఖాన్ పాత్రను స్పెషల్ గా డిజైన్ చేసినట్టు తెలుస్తోంది. మరోవైపు ఈ సినిమా పొలిటికల్ స్క్రిప్ట్ తో తెరకెక్కనుందని తెలుస్తోంది.
ఈ మధ్య కాలంలో గ్రాఫిక్స్ ప్రాధాన్యత ఉన్న సినిమాలను ఎక్కువగా తెరకెక్కించిన శంకర్ ఈ సినిమాను మాత్రం తనకు అచ్చొచ్చిన జోనర్ లోనే తెరకెక్కిస్తున్నారని సమాచారం. ఈ సినిమా కచ్చితంగా బ్లాక్ బస్టర్ హిట్ అవుతుందని చరణ్ ఫ్యాన్స్ భావిస్తున్నారు. మరోవైపు చరణ్ ప్రస్తుతం ఆచార్య, ఆర్ఆర్ఆర్ లో నటిస్తున్నారు. కేవలం ఐదు నెలల గ్యాప్ లో ఈ రెండు సినిమాలు విడుదల కానున్నాయి. ఒక సినిమాకు కొరటాల శివ దర్శకత్వం వహిస్తుండగా మరో సినిమాకు రాజమౌళి దర్శకత్వం వహిస్తున్నారు. ఆచార్య సినిమాలో చరణ్ పాత్రకు సంబంధించి ఒక పాట షూటింగ్ మిగిలి ఉందని సమాచారం.
Most Recommended Video
వైల్డ్ డాగ్ సినిమా రివ్యూ & రేటింగ్!
సుల్తాన్ సినిమా రివ్యూ & రేటింగ్!
ఈ 10 మంది హీరోయిన్లు టీనేజ్లోనే ఎంట్రీ ఇచ్చేసారు తెలుసా..!
