‘కె.జి.ఎఫ్ చాప్టర్ 1’ తో ఒక్క‌సారిగా పాన్ ఇండియా స్టార్ అయిపోయాడు కన్నడ స్టార్ హీరో యష్. త్వరలో విడుదల కాబోతున్న ‘కె.జి.ఎఫ్2’ కోసం ఇండియా వైడ్ ప్రేక్షకులు ఎంతో ఆసక్తిగా ఎదురుచూస్తున్నారు. ఇక ఈ చిత్రం విడుదల కాకుండానే యష్ తో సినిమాలు చేయాలని మన టాలీవుడ్ డైరెక్టర్లు ఎగపడుతున్నారు. మన వాళ్ళ కంటే కోలీవుడ్ డైరెక్టర్లు ఓ అడుగు ముందుగానే ఉన్నారని చెప్పాలి. మురుగదాస్,లోకేష్ కనగరాజన్ వంటి వారు కూడా యష్ తో సినిమా చేయాలని తెగ ప్రయత్నిస్తున్నట్టు చర్చ నడుస్తుంది.
అయితే యష్ పై చూపు మాత్రం మన టాలీవుడ్ దర్శకుల పైనే ఉందని.. ఫిబ్రవరి నుండీ ప్రచారం జరుగుతుంది. ఈ క్రమంలో మన స్టార్ డైరెక్టర్ బోయపాటి శ్రీ‌ను తో యష్ మూవీ ఉంటుందని వార్తలు వస్తున్నాయి. బోయపాటి వద్ద ఓ మంచి స్క్రిప్ట్ రెడీ గా ఉందట. ఇందులో మాస్ ఆడియెన్స్ ను ఆకట్టుకునే అన్ని అంశాలు ఉంటాయని వినికిడి. అలాంటి సబ్జెక్టు యష్ వంటి హీరోతో చేస్తేనే వర్కౌట్ అవుతుందని బోయపాటి భావిస్తున్నట్టు సమాచారం.
అయితే ‘అఖండ’ త‌ర‌వాత.. బోయపాటి శ్రీ‌ను కోలీవుడ్ స్టార్ హీరో సూర్యతో ఓ సినిమా చేయ‌బోతున్నట్టు వార్తలు వచ్చాయి.దానికి దిల్ రాజు నిర్మాత అని కూడా కథనాలు వినిపించాయి. అయితే అది వేరే సబ్జెక్టు అని సమాచారం. ఏమైనా ‘అఖండ’ తర్వాత మరింత జోష్ తో సినిమాలు చేయాలని డిసైడ్ అయినట్టు ఈ వార్తలతో స్పష్టమవుతుంది.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
