‘జబర్దస్త్’ షోతో కమెడియన్ గా గుర్తింపు తెచ్చుకున్న కెవ్వు కార్తీక్ పై పోలీసులు కేసు నమోదు చేశారు. గూడూరు పోలీస్ స్టేషన్ లో కార్తిక్ పై కిడ్నాప్, దాడి కేసు నమోదైంది. భూపతిపేటలో ఉండే తన సోదరి, భర్తపై.. కార్తీక్ అతడి స్నేహితులతో కలిసి దాడి చేశారని.. అనంతరం కిడ్నాప్ కి యత్నించారని ఆరోపణలో కేసు నమోదు చేశారు. కార్తీక్ తో పాటు ఐదుగురు వ్యక్తులు కలిసి తనపై దాడి చేసినట్లు బాధితుడు, కార్తీక్ బావ ఫిర్యాదులో పేర్కొన్నాడు.
సుమారు పదిహేను కిలోమీటర్ల దూరం కారులో తీసుకెళ్లి కొట్టించాడని బాధితుడు పోలీసులకు వెల్లడించారు. కార్తీక్ తో పాటు అతని తల్లితండ్రులు, వెంట వచ్చిన వారిపై పలు సెక్షన్ల కింద నమోదు చేసినట్లు గూడూరు పోలీస్ స్టేషన్ ఎస్సై సురేష్ నాయక్ తెలిపారు. ఈటీవీలో ప్రసారమయ్యే ‘జబర్దస్త్’ షో ద్వారా ఆకట్టుకుంటున్న కార్తీక్ ఇటీవల సుమ హోస్ట్ చేస్తోన్న ‘క్యాష్’ షోలో తన తల్లి గురించి చెప్పి ఎమోషనల్ అయ్యాడు. తన తల్లి ఆరోగ్యం బాగోలేక, మూడు సర్జరీలు చేయించుకొని అతి కష్టం మీద బ్రతుకుతుందని..
ఆమె కోసమే తాను ఎంతో కష్టపడి సంపాదిస్తున్నానంటూ చెప్పి అందరిని భావోద్వేగానికి గురి చేశాడు. తాజాగా సొంత బావ విషయంలో కార్తీక్ పై కిడ్నాప్ కేసు నమోదు కావడం గమనార్హం.
Most Recommended Video
ఈ 10 మంది సినీ సెలబ్రిటీలు పెళ్లి కాకుండానే పేరెంట్స్ అయ్యారు..!
బ్రహ్మీ టు వెన్నెల కిషోర్.. టాలీవుడ్ టాప్ కమెడియన్స్ రెమ్యూనరేషన్స్ లిస్ట్..!
లాక్ డౌన్ టైములో పెళ్లిళ్లు చేసుకున్న టాలీవుడ్ సెలబ్రిటీస్..!
