బాబీ దర్శకత్వంలో ఎన్టీఆర్ నటిస్తున్న జై లవకుశ టీజర్ రిలీజ్ అయిన తర్వాత అభినందనలు వెల్లువెత్తాయి. తారక్ నటన సూపర్ అంటూ దర్శకులు, నటీ నటులు, అభిమానులు సోషల్ మీడియాలో ప్రశంసించారు. ఇది ఒక వైపు మాత్రమే.. మరో వైపు ఈ కథ పూరి జగన్నాథ్ చెబితే.. బాబీ కాపీ కొట్టారని ప్రచారం జోరుగా సాగుతోంది. బాబీ ఇది తన రాసుకున్న కథని మొదటి నుంచి చెప్పుకొస్తున్నప్పటికీ ఈ రూమర్ రావడం షాక్ ని కలిగించింది. ఎన్టీఆర్ అభిమానులకు ఆగ్రహాన్ని తెప్పించింది. అసలు ఈ రూమర్ ఎవరు సృష్టించారు ? అని అరా తీయగా ఛార్మి అని తెలియడంతో ఆమెపై ఫ్యాన్స్ కోపంగా ఉన్నారు.
ఈ గొడవలోకి ఆమె ఎందుకు వచ్చింది? అనే కదా మీ ప్రశ్న.. ఆ విషయంలోకి వెళ్తే.. బాలకృష్ణ తో ‘పైసా వసూల్’ సెట్లో ఉన్న పూరీ జగన్నాథ్ ‘జై’ టీజర్ చూశాక… ఇలాంటి నెగిటివ్ షేడ్స్ ఉన్న రోల్ గురించి తాను ఇదివరకే ఎన్టీఆర్‌తో చెప్పానని, అయితే అప్పుడు ఎన్టీఆర్ ఏ విషయమూ చెప్పలేదని పూరీ జగన్నాథ్ బాలయ్యతో అన్నారంటా. ఆ సమయంలో ఛార్మి పక్కనే ఉందంట. సో ఆ విషయాన్ని ఆమె స్నేహితులతో చెప్పడంతో వైరల్ అయింది. మరి ఇందులో ఎంతవరకు వాస్తవం ఉందో పూరి, ఛార్మి క్లారిటీ ఇవ్వాల్సి ఉంటుంది.
Also, do SUBSCRIBE to our YouTube channel to get latest Tollywood updates.
