మెగా పవర్ స్టార్ రాంచరణ్ ఇప్పుడు పెద్ద స్టార్ హీరో. అందులోనూ రాజమౌళి డైరెక్షన్లో ‘ఆర్.ఆర్.ఆర్’ చిత్రంలో నటిస్తున్నాడు. ఇప్పుడు అతని కాల్ షీట్లు అస్సలు ఖాళీ లేవు. ఇదిలా ఉండగా.. చిరంజీవికి ఇండస్ట్రీలో అత్యంత సన్నిహితులైన నిర్మాతలు ఉన్నారన్న సంగతి తెలిసిందే. చరణ్ ఇండస్ట్రీకి అడుగుపెట్టిన కొత్తలో చిరు.. కొంతమంది సన్నిహితులైన నిర్మాతలకు ‘చరణ్ తో ఓ సినిమా చేయిస్తాను’ అని మాట ఇచ్చేసారట. కానీ చరణ్ ఇమేజ్ తరువాత అమాంతం పెరిగిపోయింది.
దాంతో చరణ్ తో వర్క్ చెయ్యడానికి పెద్ద పెద్ద నిర్మాతలు దర్శకులు ఎగబడుతున్నారు. ఈ క్రమంలో చిరు గతంలో మాటిచ్చిన నిర్మాతలకు తన మేనల్లుడు సాయి తేజ్ ద్వారా మాటను నిలబెట్టుంటున్నట్టు తెలుస్తుంది. సాయితేజ గతంలో ఠాగూర్ మధు నిర్మాణంలో ‘విన్నర్’ అనే సినిమా చేశాడు. తరువాత కె.ఎస్.రామారావు గారి నిర్మాణంలో ‘తేజ్ ఐ లవ్ యు’ అనే సినిమా కూడా చేసాడు. ఈ రెండు చిత్రాలు చిరు మాట ప్రకారమే సాయి తేజ్ చేసాడని భోగట్టా.
ఇప్పుడు మళ్ళీ ఠాగూర్ మధు డైరెక్షన్లో ఓ చిత్రం చేయబోతున్నాడట సాయి తేజ్. ఇది కూడా చిరు మాట ప్రకారమే చేస్తున్నాడని వినికిడి. గోపాల్ అనే యువ దర్శకుడు ‘భగవద్గీత సాక్షిగా’ అనే కథని చిరుకి వినిపించాడట. కథ విన్నాక కొన్ని మార్పులు చెప్పారట చిరు. ‘సోలో బ్రతుకే సో బెటర్’ చిత్రం తరువాత సాయి తేజ్.. ఈ చిత్రమే చేసే అవకాశాలు ఎక్కువ ఉన్నాయని సమాచారం.
Most Recommended Video
15 డైరెక్టర్స్ కెరీర్ ను ఇబ్బందిలో పడేసిన సినిమాలు ఇవే!
కులాంతర వివాహాలు చేసుకొని ఆదర్శంగా నిలిచిన మన హీరోలు!
హీరోయిన్స్ కంటే ముందు బాలనటిగా అలరించిన తారల!
