టాలీవుడ్‌లో చిరంజీవి – మోహన్‌బాబు మధ్య ఉన్న బంధం ఏంటి అంటే ఒక పట్టాన చెప్పలేం. అప్పుడే గొడవపడతారు, మరోసారి చూస్తే కలిసి హగ్గులిచ్చుకుంటారు. ఆ క్షణానికి చిరంజీవి నా ఆప్తమిత్రుడు అంటారు మోహన్‌బాబు, ఆ వెంటనే ఏదో విషయంలో విభేదిస్తాడు. అయితే అవసరమైనప్పుడు మాత్రం ఒకరికొకరు సాయం చేసుకుంటారు. ఇది రెండు వైపులా సాగుతుంటుంది. ఈ క్రమంలో తాజాగా మోహన్‌బాబు కొత్త సినిమా ‘సన్నాఫ్‌ ఇండియా’ సినిమా టీజర్‌కు చిరంజీవి వాయిస్‌ ఓవర్‌ చెప్పారు. ఈ ప్రచార సాయం భవిష్యత్తులోనూ కొనసాగుతుందని తెలుస్తోంది.
‘సన్నాఫ్‌ ఇండియా ’ సినిమాను మోహన్‌బాబు ప్రతిష్ఠాత్మకంగా తీసుకొని నటిస్తున్నారు. సినిమాలో ఆయన పాత్ర, శైలి వింటేజ్‌ మోహన్‌బాబును గుర్తు చేస్తాయని సినీ వర్గాలు చెబుతున్నాయి. ఇటీవల వచ్చిన టీజర్‌లోనూ అదే చూపించారు. దానికి చిరంజీవి స్టైల్‌ వాయిస్‌ ఓవర్‌ బాగా నప్పింది. అంతేకాదు ఆ వాయిస్‌ ఓవర్‌ కోసం జరిగిన బ్యాక్‌డ్రాప్‌ను మోహన్‌బాబు ఆ తర్వాత వివరించారు కూడా. అయితే ఈ మజా ఇంకా కొనసాగనుందట. సినిమా ప్రచారం కోసం చిరంజీవి మరింత ముందుకొస్తారట.
సినిమా టీజర్‌లో చిరంజీవి వాయిస్‌ ఓవర్‌కు మంచి బజ్‌ రావడంతో… సినిమా నెరేషన్‌ను కూడా చిరంజీవితో చెప్పించాలని మోహన్‌బాబు భావిస్తున్నారట. దీని కోసం త్వరలో ఏర్పాట్లు చేస్తారని తెలుస్తోంది. అలాగే సినిమా ప్రీ రిలీజ్‌ ఈవెంట్‌ను కూడా ఘనంగా నిర్వహించాలని చిత్రబృందం భావిస్తోంది. దీనికి చిరంజీవిని ముఖ్య అతిథిగా తీసుకురావాలనేది వారి ఆలోచన. ఈ ప్లాన్స్‌కు చిరంజీవి కూడా పాజిటివ్‌ గానే స్పందిస్తారనేది… ఇటీవల జరిగిన పరిణామాలు చూస్తే అనిపిస్తోంది. మరి మోహన్‌బాబు కోసం చిరంజీవి ఇంత చేస్తుంటే, చిరంజీవి కోసం మోహన్‌బాబు ఏదో ఒకటి చేయకుండా ఉంటారా. అసలే వీరిది ‘అదో మాదిరి స్నేహం’ కదా.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
