ప్రముఖ డాన్స్ కొరియోగ్రాఫర్ రాకేష్ మాస్టర్ మరణించడంతో ఒక్కసారిగా చిత్ర పరిశ్రమ దిగ్భ్రాంతి వ్యక్తం చేస్తుంది. కొరియోగ్రాఫర్ గా ఇండస్ట్రీలో ఎంతో పేరు ప్రఖ్యాతలు సంపాదించుకున్నటువంటి ఈయన ఎన్నో అద్భుతమైన సినిమాలకి స్టార్ హీరోలకు కొరియోగ్రఫీ చేశారు. అలాగే పలు బుల్లితెర కార్యక్రమాలలో కూడా ఈయన సందడి చేశారు. ఇలా డాన్స్ మాస్టర్ గా ఎంతో మంచి గుర్తింపు సంపాదించుకున్న రాకేష్ మాస్టర్ ఇక లేరని తెలిసి పలువురు కొరియోగ్రాఫర్లు ఈయన మృతి పై విచారం వ్యక్తం చేస్తున్నారు.
ఇక ఈ మధ్యకాలంలో రాకేష్ మాస్టర్ సినిమాలకు కాస్త దూరంగా ఉన్నప్పటికీ వరుసగా యూట్యూబ్ ఛానల్ ఇంటర్వ్యూలకు హాజరవుతున్నారు. ఇలా యూట్యూబ్ ఛానల్ ఇంటర్వ్యూలలో భాగంగా ఈయన పలువురు సినీ సెలబ్రిటీలపై తన శిష్యుల గురించి కూడా తీవ్ర స్థాయిలో సంచలన వ్యాఖ్యలు చేశారు. ఇలా వివాదాస్పద వ్యాఖ్యల ద్వారా ఈయన తరచూ వార్తల్లో నిలిచేవారు.
ఇకపోతే రాకేష్ మాస్టర్ చనిపోవడంతో ఈయనకు సంబంధించిన ఒక వీడియో ప్రస్తుతం వైరల్ గా మారింది. ఈ వీడియో కనుక చూస్తే రాకేష్ మాస్టర్ గారికి తన చావు గురించి ముందే తెలిసిందా అందుకే ఇలా మాట్లాడారా అన్న సందేహం రాక మానదు.ఇలా ఈ వీడియోలో భాగంగా రాకేష్ మాస్టర్ మాట్లాడుతూ తన శరీరంలో మార్పులు జరుగుతున్నాయి అంటూ ఎమోషనల్ అయ్యారు.
తన శరీరంలో మార్పులు జరుగుతున్నాయని మోకాళ్లు నొప్పులు వస్తున్నాయని తెలిపారు.నేను అస్తమించే సూర్యుడిని ఆ విషయం నాకు తెలుస్తోంది అంటూ ఈయన ఎమోషనల్ అవుతూ చేసినటువంటి ఈ వీడియో ప్రస్తుతం సోషల్ మీడియాలో వైరల్ గా మారడంతో ఎంతోమంది ఈ వీడియో చూసి రాకేష్ మాస్టర్ గారు ముందుగానే తన చావును ఊహించి ఇలాంటి కామెంట్స్ చేశారా అంటూ విచారం వ్యక్తం చేస్తున్నారు.
ఆదిపురుష్ సినిమా రివ్యూ & రేటింగ్!
‘సైతాన్’ వెబ్ సిరీస్ రివ్యూ & రేటింగ్!
కుటుంబం కోసం జీవితాన్ని త్యాగం చేసిన స్టార్ హీరోయిన్స్
