పవన్ కళ్యాణ్ ప్రకటించిన మూడు చిత్రాలలో రెండు చిత్రాలపై భారీ అంచనాలున్నాయి. ఒకటి హరీష్ శంకర్ దర్శకత్వంలో తెరకెక్కనున్న పవన్ 28వ చిత్రంతో పాటు, దర్శకుడు క్రిష్ తెరకెక్కిస్తున్న పీరియాడిక్ మూవీపై భారీ అంచనాలున్నాయి. హరీష్ మూవీ ప్రీ ప్రొడక్షన్ పనులలో ఉండగా, క్రిష్ మూవీ మాత్రం రెగ్యులర్ షూటింగ్ జరుపుకుంటుంది. పవన్ కళ్యాణ్ మొదటిసారి ఓ పీరియాడిక్ మూవీ చేస్తున్నారు. ఇది 16వ శతాబ్దంలో భారత దేశాన్ని ఏలిన మొగలుల కాలం నాటి పీరియాడిక్ మూవీ కాగా అందులో పవన్ కళ్యాణ్ బందిపోటు పాత్ర చేస్తున్నారట. కాగా ఈ చిత్ర టైటిల్ గురించి ఓ ఆసక్తికర వార్త టాలీవుడ్ లో చక్కర్లు కొడుతుంది.
దర్శకుడు క్రిష్ పవన్ చిత్రం కోసం ఓ క్లాసిక్ టైటిల్ అనుకుంటున్నారట. ఈ చిత్రానికి విరూపాక్షి అనే టైటిల్ పరిశీలిస్తున్నారని సమాచారం. ఇక పవన్ పాత్ర పేరు కూడా ఈ చిత్రంలో వీరు కావడంతో విరూపాక్షి అనే టైటిల్ పెట్టే ఆలోచనలో ఉన్నట్లు తెలుస్తుంది. క్రిష్ తన చిత్రాలకు అచ్చతెలుగు అందమైన టైటిల్స్ పెడుతుంటారు. గమ్యం, వేదం, కృష్ణం వందే జగద్గురుమ్ అలాంటివే. ఈ వార్తలో ఎంత వరకు నిజం ఉందో కానీ, ప్రముఖంగా వినిపిస్తుంది. ఇక ఈ భారీ చిత్రాన్ని ఏ ఎమ్ రత్నం నిర్మిస్తుండగా కీరవాణి సంగీతం అందిస్తారని సమాచారం.
Most Recommended Video
జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!
