ప్రతి ఒకరికి ఒక హై టైమ్ ఉంటుంది. సినిమా వాళ్లకు కూడా అలానే కెరీర్లో ఓ హై టైమ్ ఉంటుంది. ఆ సమయంలో ఏ పాత్ర చేసినా ప్రేక్షకుల్ని ఆకట్టుకుంటూ ఉంటుంది. అలాంటి పరిస్థితిలో ఇప్పుడు ఉన్నారు కమెడియన్ సుదర్శన్. తొలినాళ్లలో చిన్న చిన్న పాత్రలు చేస్తూ వచ్చిన ఆయన.. ఇప్పుడు హీరో పక్కన ఫుల్ లెంగ్త్ రోల్లో నటిస్తున్నాడు. అలా వరుస సినిమాలు విజయాలు అందుకోవడంతో హిట్ సెంటిమెంట్ అయిపోయారు. ఈ క్రమంలో కొన్ని సినిమాలు సరైన ఫలితాలు ఇవ్వకపోయినా ఆయన ట్రాక్ బాగా వర్కవుట్ అవుతోంది.
సుదర్శన్ అనుకోకుండా చిత్ర పరిశ్రమలోకి వచ్చారు. ‘అమెరికాకు దారేది’ అనే షార్ట్ ఫిల్మ్లో చూసి ‘రన్రాజా రన్’ సినిమాలో నటించే అవకాశం ఇచ్చారు. ఆ తర్వాత వరుస సినిమాలు చేసినా ‘కుమారి 21ఎఫ్’, ‘పటాస్’, ‘సామజవరగమన’, ‘కిష్కింధపురి’, ‘నారీ నారీ నడుమ మురారి’ మంచి పేరు తీసుకొచ్చాయి. ప్రస్తుతం తెలుగుతోపాటు తమిళ, కన్నడ పరిశ్రమల నుండి ఛాన్స్లు వస్తున్నాయట. ప్రస్తుతం ‘మృత్యుంజయ్’, ‘గోదారి గట్టు మీద’ చిత్రాల్లో నటించారు. ఇంకొన్ని సెట్స్ మీద ఉన్నాయట.
మరింకేంటి వరుస సినిమాలు, హిట్లు ఇక హీరోగా చేయడమేనా? అని ఈ మధ్య సుదర్శన్ని అడుగుతున్నారట. దీనికి ఆయన రియాక్ట్ అవుతూ హీరోగా చేస్తే కమెడియన్గా అవకాశాలు తగ్గిపోతాయంటారు. హీరోగా చేశాక వేరే చిత్రాల్లో చిన్న పాత్రలు ఇవ్వకూడదని ఆగిపోతుంటారు. దాని వల్ల అవకాశాలు తగ్గిపోతాయి. ఇక నా కెరీర్ ఇప్పుడే ఊపందుకుంటోంది. అందుకే ఈ సమయంలో హీరో ప్రయత్నాలు చేయాలని అనుకోవడం లేదు అని తేల్చేశారు సుదర్శన్.
ఒకవేళ తాను హీరోగా చేయాలంటే అది హీరోలు చేయలేని చిన్న కాన్సెప్ట్ సినిమా అయి ఉండాలి. అంతే తప్ప థియేటర్స్లో విడుదలయ్యే మెయిన్ లీడ్ సినిమా చేయాలని లేదు. కమెడియన్గా అందరి హీరోలతోనూ కలిసి పని చేయాలని ఉందని క్లారిటీ ఇచ్చేశారు. అంటే ఇప్పుడు రైటర్లు అలాంటి ఓ చిన్న కథను ఓటీటీ కోసం రెడీ చేస్తే సుదర్శన్ ఓకే చేయొచ్చు.
