విశ్వక్ సేన్ ని కొంతకాలంగా ప్లాపులు వెంటాడుతున్నాయి. ఇటీవల వచ్చిన ‘ఫంకీ’ కూడా నిరాశపరిచింది. దీంతో ఇప్పుడు ‘కల్ట్'(Cult) పైనే ఆశలు పెట్టుకున్నాడు. ఈ సినిమాకి దర్శకుడు కూడా విశ్వక్ సేన్ కావడం విశేషంగా చెప్పుకోవాలి.’టైగర్ నాగేశ్వరరావు’ బ్యూటీ గాయత్రీ భరద్వాజ్ కూడా ఈ సినిమాలో అత్యంత కీలక పాత్ర పోషిస్తోంది. పాన్ ఇండియా సినిమాగా ‘కల్ట్’ ని తీర్చిదిద్దుతున్నాడు విశ్వక్ సేన్.
త్వరలోనే ఈ సినిమా ప్రేక్షకుల ముందుకు రానుంది. ఈరోజు ‘రెడ్ బ్యాండ్ టీజర్’ అంటూ ‘కల్ట్’ టీజర్ ను రిలీజ్ చేశారు.’కల్ట్’ టీజర్ విషయానికి వస్తే.. ఇది 2 నిమిషాల 53 సెకన్ల నిడివి కలిగి ఉంది. కొంతమంది కుర్రాళ్ళు ‘కల్ట్’ పార్టీ పాసెస్ దొరకలేదు అని నిరాశచెందడం.
తర్వాత వారు పాసులు సాధించడం.. పార్టీ కోసం ఒక ఇంట్లోకి వెళ్లడం. అక్కడ ఎటువంటి నియమాలు లేకుండా ఎంజాయ్ చేయొచ్చని మొదట చూపించారు.
కానీ కాసేపటి తర్వాత ఆ పార్టీకి వెళ్లిన వాళ్ళు అందరూ దారుణంగా చనిపోతూ ఉంటారు. వారి తలలు తెగుతుంటాయి. మొండాలు సెపరేట్ గా పడుతుంటాయి. పారిపోవాలని ప్రయత్నించినా వారి వల్ల కాదు. అది కూడా ప్రమాదకరమే అని తెలుసుకుంటారు. చివరికి హీరో ఎంట్రీ. అది కూడా వయొలెంట్ గానే ఉంది. రక్తపాతం సృష్టిస్తూ అతను ఫైట్ చేస్తూ ఉంటాడు. టీజర్ అయితే చాలా అంటే చాలా వైల్డ్ గా ఉంది. ‘మార్కో’ ‘స్క్విడ్ గేమ్’..లను మిక్స్ లో వేసి జ్యూస్ చేసిన ఫీలింగ్ కలుగుతుంది. మీరు కూడా ఓ లుక్కేయండి :
