Kuberaa: ‘కుబేర’ ప్రీరిలీజ్ ఈవెంట్‌ హైలైట్స్‌.. ఎవరెవరు ఏం చెప్పారంటే?

ధనుష్‌ (Dhanush), నాగార్జున (Nagarjuna), రష్మిక మందన (Rashmika Mandanna)  ప్రధాన పాత్రల్లో తెరకెక్కిన చిత్రం ‘కుబేర’ (Kuberaa) . శేఖర్‌ కమ్ముల (Sekhar Kammula) దర్శకత్వంలో రూపొందిన ఈ పాన్‌ ఇండియా సినిమాను ఈ నెల 20న విడుదల చేస్తున్నారు. ఈ సందర్భంగా హైదరాబాద్‌లో ప్రీ రిలీజ్‌ ఈవెంట్‌ను నిర్వహించారు. ఈ కార్యక్రమానికి ప్రముఖ దర్శకుడు ఎస్‌ఎస్‌ రాజమౌళి (S. S. Rajamouli) ముఖ్య అతిథిగా విచ్చేశారు. ఈవెంట్‌లో ప్రధాన నటులు, గెస్ట్‌ ఏం మాట్లాడారు, ఏం ఆసక్తికర విషయాలు చెప్పారో చూద్దాం!

Kuberaa

* మేం సినిమాలో పాత్రధారులం మాత్రమే. శేఖర్‌ తన కంఫర్ట్‌ జోన్‌ నుండి బయటకు వచ్చి తీసిన సినిమా ఇది. ‘మాయాబజార్‌’ (Mayabazar) సినిమాలో ఎన్టీఆర్‌ (Sr.NTR) , ఏయన్నార్‌ (ANR) , ఎస్వీ రంగారావు (S. V. Ranga Rao) లలో హీరో ఎవరు అని అడిగితే.. ఆ సినిమా దర్శకుడు కేవీ రెడ్డి హీరో అని చెబుతాను. అలా ‘కుబేర’ (Kuberaa) హీరో శేఖర్‌. ‘శివ’ రీ రిలీజ్ చేస్తున్నాం. – నాగార్జున (Nagarjuna)

* నా ఏవీ చూడగానే నాన్న గుర్తొచ్చారు. ఆయన వల్లే నేనీ స్థాయిలో ఉన్నా. ‘కుబేర’ (Kuberaa) తమిళంలో నాకు 51వ సినిమా, తెలుగులో రెండో చిత్రం. ‘సార్‌’ సినిమా కంటే ముందే నాకు శేఖర్‌ కమ్ముల (Sekhar Kammula) ఈ సినిమా కథ చెప్పారు. నాగార్జున (Nagarjuna) తో నటించడం ఆనందంగా ఉంది. రష్మిక కష్టపడి పని చేస్తుంది. ఈ సినిమాపై శేఖర్‌ కమ్ములకు ఉన్న నమ్మకం చూస్తుంటే భయంగా ఉంది.– ధనుష్‌(Dhanush)

* నా దృష్టిలో ‘కుబేర’ (Kuberaa) సినిమా నాకు తల్లిలాంటిది. ధనవంతుడైనా, యాచుకుడైనా తల్లి ప్రేమలో మార్పు ఉండదు. ఇలాంటి కథను తెరకెక్కించడం నా అదృష్టం. నా గత సినిమాల విషయంలో సరస్వతీ దేవి తలవంచుకోకుండా ఉంటే చాలు అని అనేవాడిని. కానీ, ఈ సినిమాను సరస్వతిదేవీ తల ఎత్తుకుని చూస్తుంది. ఈ మాట గర్వంతో చెబుతున్నది కాదు. మీరు ఇప్పటివరకు చూడని కొత్త అంశంతో ఈ సినిమా రూపొందింది. నాగార్జున (Nagarjuna) స్నేహపూర్వకంగా ఉంటారు కానీ, ఆయన్ను డైరెక్టర్‌ చేయడం టెన్షన్‌ అనిపించింది. నైట్‌ షూట్‌లు, ఆదివారం షూటింగ్‌లు అంటే ఇష్టపడని నాగార్జున ఈ సినిమా కోసం అవన్నీ చేశారు. ఈ సినిమా కోసం ఆయన సన్నబడ్డారు. ఫస్ట్‌ షాట్‌తోనే ఆయన నటనకు ఇంప్రెస్‌ అయ్యాను.– శేఖర్‌ కమ్ముల (Sekhar Kammula)

* మొదటి నుంచి తను నమ్మిన సిద్ధాంతాలకు కట్టుబడి సినిమాలు తీస్తున్న వ్యక్తి శేఖర్‌ కమ్ముల (Sekhar Kammula). శేఖర్‌ కమ్ముల చూడటానికి చాలా వినయంగా ఉంటారు. కానీ చాలా చాలా మొండివాడు. మీరు పెట్టుకున్న నియమాలకు కట్టుబడి జీవిస్తున్నందుకు మిమ్మల్ని చూస్తే ఎంతో గౌరవంగా ఉంది. ఆయన ఇండస్ట్రీకి వచ్చి 25 ఏళ్లు అయ్యాయంటే నమ్మకం కలగడం లేదు. ఇన్ని రోజులు ఆయన నాకు జూనియర్‌ అనుకున్నా. నాకంటే ఒక సంవత్సరం సీనియర్‌.– ఎస్‌ ఎస్‌ రాజమౌళి (S. S. Rajamouli)

* నా ఏవీ చూశాక ఇన్ని రోల్స్‌ ప్లే చేశానా అనే ఆశ్చర్యమేసింది. శేఖర్‌ కమ్ముల (Sekhar Kammula) దర్శకత్వంలో నటించాలన్న కల ఈ సినిమాతో నెరవేరింది. నాగార్జున (Nagarjuna) మంచి నటుడే కాదు మంచి వ్యక్తి కూడా. ధనుష్‌ (Dhanush) తో కలసి మరిన్ని సినిమాల్లో నటించాలనుంది. ఈ సినిమాలో మా కెమిస్ట్రీతో ఆ అవకాశాలు ఇంకా వస్తాయి అనుకుంటున్నాను.– రష్మిక మందన (Rashmika Mandanna)

ప్రముఖ నిర్మాతపై ఎస్.కె.ఎన్ సెటైర్లు.. షాకింగ్ కామెంట్స్ వైరల్..!