సినిమా ఇండస్ట్రీలో ఎవరి లెక్కల్ని ఎప్పుడైనా మార్చగల సత్తా.. ఒక్క సక్సెస్ కు మాత్రమే ఉంటుంది. అది లేకపోతె ఇక్కడ రాజు.. బంటవుతాడు. అది అనుగ్రహిస్తే బంటు.. రాజవుతాడు. ఇప్పటివరకూ ప్లాపుల్లో ఉన్న ఎంతో మంది హీరోలకు హిట్లిచ్చి ఆదుకున్న దిల్ రాజు సైతం.. ఇప్పుడు హిట్టు కొట్టగానే ఓ హీరో వెంటపడుతున్నాడు. అతనెవరో కాదు మన అల్లరి నరేష్. ఇటీవల వచ్చిన ‘నాంది’ చిత్రం హిట్ అవ్వడంతో ఎలాగైనా సరే నరేష్ తో ఓ సినిమా నిర్మించి క్యాష్ చేసుకోవాలని దిల్ రాజు భావిస్తున్నాడు.
అందుకే హైద‌రాబాద్ ద‌స‌ప‌ల్లా హోట‌ల్‌లో `నాంది అప్రిసియేష‌న్ మీట్`ను ఏర్పాటు చేసి అందరికీ సర్ప్రైజ్ ఇచ్చాడు దిల్ రాజు. ఈ వేడుకలో ‘నాంది’ టీం ను అభినందించడమే కాకుండా.. నరేష్ ను తెగ పొగిడేశారు దిల్ రాజు. సరైన కథ, దర్శకుడు దొరికితే నరేష్ తో సినిమా చెయ్యడానికి నేను రెడీ అంటూ బంపర్ ఆఫర్ ఇచ్చేసాడు. ఒకవేళ నరేష్ కు ఏదైనా కథ నచ్చితే నన్ను అప్రోచ్ అవ్వచ్చు అని కూడా చెప్పుకొచ్చాడు.
‘ఏమైనా ప్లాపుల్లో ఉన్న హీరో ఓ హిట్టు కొడితే.. పరిస్థితి ఇంత మారిపోతుందా’ అని సందేహించే వారికి అల్లరి నరేష్ ను ఓ ఉదాహరణగా చెప్పుకోవచ్చు.లేకపోతే ఇన్నాళ్లు అతన్ని పట్టించుకోని దిల్ రాజు.. ఇప్పుడు ఇంత బంపర్ ఆఫర్ ఇవ్వడమేంటి? ఇదిలా ఉండగా.. గతంలో దిల్ రాజు నిర్మించిన ‘మహర్షి’ చిత్రంలో కూడా అల్లరి నరేష్ చాలా ఇంపార్టెంట్ రోల్ ప్లే చేసాడు. అందులో కూడా నరేష్ సీరియస్ పాత్రనే పోషించాడు.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
