ఈ మధ్యకాలంలో తమిళ హీరోలు చాలా మంది తెలుగులో సినిమాలు చేయడానికి ఆసక్తి చూపిస్తున్నారు. టాలీవుడ్ డైరెక్టర్లతో స్ట్రెయిట్ తెలుగు సినిమాలు చేయడానికి తెగ ఉత్సాహపడుతున్నారు. కోలీవుడ్ స్టార్ హీరో ధనుష్ కూడా తెలుగులో వరుస ప్రాజెక్ట్ లతో బిజీ అవుతున్నారు. ప్రస్తుతం ధనుష్ తొలి తెలుగు సినిమా ‘సార్’ షూటింగ్ జరుపుకుంటుంది. దీన్ని వెంకీ అట్లూరి డైరెక్ట్ చేస్తున్నారు. త్వరలోనే ఈ సినిమా ప్రేక్షకుల ముందుకు రానుంది.
దీని తరువాత శేఖర్ కమ్ముల దర్శకత్వంలో సినిమా చేయనున్నారు. ఇప్పుడు మూడో ప్రాజెక్ట్ పై ధనుష్ సంతకం చేసినట్లు సమాచారం. దిల్ రాజు బ్యానర్ లో ధనుష్ ఓ సినిమా చేయడానికి ఒప్పుకున్నారట. శర్వానంద్ హీరోగా ‘శ్రీకారం’ అనే సినిమా తీసిన కిషోర్ రెడ్డి ఈ ప్రాజెక్ట్ ని టేకప్ చేసే ఛాన్స్ ఉంది. ప్రస్తుతం ఈ సినిమా పైప్‌లైన్‌లో ఉంది. అన్నీ కుదిరితే.. ధనుష్ నటించే మూడో తెలుగు సినిమా ఇదే అవుతుంది.
ఈ మధ్య దిల్ రాజు కూడా తమిళ హీరోలు, దర్శకులపై ఫోకస్ పెట్టారు. విజయ్ తో ‘వారసుడు’ అనే భారీ బడ్జెట్ సినిమా చేస్తున్న దిల్ రాజు.. టాప్ డైరెక్టర్ శంకర్ తో మరో ప్రాజెక్ట్ చేస్తున్నారు. ఇప్పుడు ధనుష్ ని కూడా లైన్ లో పెట్టారు. ఈ సినిమాను భారీ స్కేల్ లో నిర్మించే ఛాన్స్ ఉంది.
ఒక తమిళ హీరో తెలుగులో సినిమా చేయడం వల్ల కలిసొచ్చే అంశాలు చాలానే ఉన్నాయి. తెలుగులో సదరు హీరోల మార్కెట్ ను విస్తరించుకోవడానికి ఇది బాగా ఉపయోగపడుతుంది. ఇప్పటివరకు డబ్బింగ్ బొమ్మలతో తెలుగు ప్రేక్షకులను అలరించిన కోలీవుడ్ స్టార్స్ ఇప్పుడు స్ట్రెయిట్ తెలుగు సినిమాలతో మన ప్రేక్షకులకు మరింత దగ్గరవుతున్నారు.
బటర్ ఫ్లై సినిమా రివ్యూ& రేటింగ్!
2022లో అలరించిన తెలుగు సినిమాలు ఇవే!
ఇప్పటవరకూ ఎవరు చూడని శ్రీలీల రేర్ ఫోటో గ్యాలరీ!!
‘ఖుషి’ పవన్ ఫ్యాన్స్ కు ఒక డ్రగ్ లాంటిది..రీ రిలీజ్ లో ఎందుకు చూడాలి అంటే..?
