‘ధమాకా’ (Dhamaka) సినిమాతో పెద్ద బ్లాక్ బస్టర్ కొట్టాడు త్రినాథ్ రావు నక్కిన (Trinadha Rao) . అంతకు ముందుకు అతను తీసిన సినిమాలు కూడా బాగానే ఆడాయి. ‘మినిమమ్ గ్యారంటీ డైరెక్టర్’ అనే నమ్మకం అతనిపై ఉంది. అయితే ‘ధమాకా’ తర్వాత టాప్ లీగ్లోకి చేరుకుంటాడు అని అంతా ఆశించారు. కానీ ఇప్పుడు పెద్ద హీరోలు ఎవ్వరూ ఖాళీగా లేరు. మిడ్ రేంజ్ హీరోలు కూడా రెండేసి సినిమాలతో బిజీగా గడుపుతున్నారు. సో త్రినాధ్ కి మాత్రమే కాదు ఏ దర్శకుడికి అయినా..
ఇప్పట్లో హీరో దొరకడం కష్టంగా ఉంది. అందుకే త్రినాధ్ ఇప్పుడు సందీప్ కిషన్ తో (Sundeep Kishan) సినిమా సెట్ చేసుకున్నాడు. ‘మజాకా’ అనే టైటిల్ ఈ చిత్రానికి ఫిక్స్ చేశారు. ఈ సినిమా తర్వాత త్రినాథ్ రావ్ నక్కిన.. పెద్ద హీరోని పెడతాడేమో అనుకుంటే, అది కూడా జరిగేలా కనిపించడం లేదు. దీంతో గోపీచంద్ తో (Gopichand) అతను తన నెక్స్ట్ మూవీ సెట్ చేసుకున్నట్టు తెలుస్తుంది.
భగవాన్ – పుల్లారావు..ల నిర్మాణంలో త్రినాథ్ రావ్ నక్కిన సినిమా చేయడానికి అడ్వాన్స్ తీసుకున్నాడు.గోపీచంద్ డేట్స్ వాళ్ళ వద్ద ఉన్నాయి. అందువల్ల ఈ కాంబో సెట్ అయినట్లు తెలుస్తుంది. బెజవాడ ప్రసన్న కుమార్ స్క్రిప్ట్ రెడీ చేస్తున్నట్లు తెలుస్తోంది. త్రినాథ్ రావ్ నక్కినకి మాస్ ఆడియన్స్ పల్స్ తెలుసు. గోపీచంద్ కి మాస్లో మంచి ఫాలోయింగ్ ఉంది. సో ఈ కాంబో సెట్ అయితే.. మంచి బజ్ క్రియేట్ అయ్యే ఛాన్స్ ఉంది.
