మణిరత్నం డైరెక్షన్లో తెరకెక్కిన ఆల్ టైం హిట్ ‘రోజా’ చిత్రానికి ఎంత మంది ఫ్యాన్స్ ఉన్నారో ప్రత్యేకంగా చెప్పనక్కర్లేదు. కె.బాల చందర్ ఈ చిత్రానికి నిర్మాత కావడంతో అప్పట్లో.. ఈ చిత్రం పై మంచి హైప్ ఏర్పడింది. తమిళ హీరో అరవింద స్వామికి మంచి క్రేజ్ తెచ్చిపెట్టిన చిత్రం ఇది. మహాభారతంలోని ‘సావిత్రి మరియు సత్యావన్’ ల ఎపిసోడ్ ను తీసుకుని మణిరత్నం ఈ కథని రాసుకున్నాడు. అప్పటి వరకూ వచ్చిన ప్రేమ కథా చిత్రాల్లో.. ‘రోజా’ ఓ గేమ్ చెంజర్ మూవీ అనే చెప్పాలి.
మధుబాల గ్లామర్, ఏ.ఆర్.రహమాన్ సంగీతం.. సంతోష్ శివన్ సినిమాటోగ్రఫీ ఈ చిత్రానికి హైలెట్ గా నిలిచాయి. ఓ బెంచ్ మార్క్ ను సెట్ చేసిన ఈ చిత్రానికి సీక్వెల్ వస్తుంది అంటే.. ఎన్నో అంచనాలు ఏర్పడతాయి. దాంతో ఈ సీక్వెల్ లో నటించడానికి అరవింద స్వామి కూడా భయపడి నో చెప్పాడట. కానీ ‘రోజా’ కు సీక్వెల్ కచ్చితంగా తీస్తాను అని మణిరత్నం చాలా సందర్భాల్లో చెప్పుకొచ్చాడు. అయితే త్వరలోనే అది నిజం కాబోతుంది అని తెలుస్తుంది.
మమ్ముట్టి కొడుకు.. మలయాళంతో పాటు తమిళ,హిందీ, తెలుగు భాషల్లో క్రేజ్ ను సంపాదించుకున్న దుల్కర్ సల్మాన్ తో ‘రోజా’ సీక్వెల్ ను తెరకెక్కించాలి అని భావిస్తున్నాడట దర్శకుడు మణిరత్నం. అందుకు సంబంధించిన ప్రయత్నాలు కూడా మొదలు పెట్టాడని తెలుస్తుంది. అయితే ఓ క్లాసిక్ కు సీక్వెల్ అంటే దుల్కర్ ఓకే చెప్తాడా? అనేది పెద్ద ప్రశ్న. అయితే గతంలో ‘ఓకే బంగారం’ చిత్రానికి పనిచేసిన చనువుతో అయినా.. దుల్కర్ ఓకే చెప్పే ఛాన్స్ లు ఎక్కువగా ఉన్నాయనే చెప్పాలి.
Most Recommended Video
మేకప్‌ లేకుండా మన టాలీవుడ్ ముద్దుగుమ్మలు ఎలా ఉంటారో తెలుసా?
జ్యోతిక ‘పొన్‌మగల్‌ వందాల్‌’ రివ్యూ
ఈ డైలాగ్ లు చెప్పగానే గుర్తొచ్చే హీరోయిన్లు!
