సూపర్ స్టార్ మహేష్ బాబు, త్రివిక్రమ్ కాంబినేషన్ లో హ్యాట్రిక్ సినిమా రాబోతుంది. ‘సర్కారు వారి పాట’ సినిమా తరువాత మహేష్ బాబు చేయబోయే సినిమా ఇదే. తన మాటలతో మ్యాజిక్ చేసే త్రివిక్రమ్ ఎక్కువగా ఫ్యామిలీ ఎంటర్టైనర్ కథలనే రాసుకుంటాడు. మహేష్ తో కూడా త్రివిక్రమ్ తీయబోయేది ఫ్యామిలీ ఎంటర్టైనర్ అని తెలుస్తోంది. ‘అత్తారింటికి దారేది’, ‘అల.. వైకుంఠపురములో’ సినిమాల తరహాలో ఈ సినిమా కథ కూడా ఉంటుందని చెబుతున్నారు. హీరో ఓ కుటుంబంలో చేరి.. అక్కడి సమస్యలను పరిష్కరించడమే ఈ సినిమా స్టోరీ అని టాక్. ఇది రెగ్యులర్ కథలా అనిపిస్తున్నా.. త్రివిక్రమ్ ట్రీట్మెంట్ కొత్తగా ఉంటుందని చెప్పనక్కర్లేదు.
కాబట్టి పాత కథ అనే ఫీలింగ్ రాకుండా త్రివిక్రమ్ చూసుకుంటాడు. మొత్తానికి మహేష్ తో ఓ ఫ్యామిలీ డ్రామా తీయడానికి సిద్ధమవుతున్నాడు త్రివిక్రమ్. అయితే ఇందులో యాక్షన్ అంశాలు కూడా ఉండేలా జాగ్రత్తలు తీసుకుంటున్నాడు. ఈ సినిమాను కూడా త్రివిక్రమ్ హారిక హాసిని బ్యానర్ లోనే తీయబోతున్నాడు. అయితే నిర్మాణంలో మహేష్ బాబు కూడా వాటా తీసుకోబోతున్నాడు. మహేష్ సొంత బ్యానర్ జీఎంబీ ఎంటర్టైన్మెంట్స్ కూడా నిర్మాణ భాగస్వామిగా వ్యవహరించబోతుంది.
మహేష్ కి ఇవ్వాల్సిన రెమ్యునరేషన్ లో సగం మాత్రమే క్యాష్ రూపంలో తీసుకుంటున్నాడని.. మిగిలిన మొత్తాన్ని తన వంతు పెట్టుబడిగా సినిమాపై పెట్టబోతున్నాడని తెలుస్తోంది. మే 31న ఈ సినిమాను మొదలుపెట్టే ఛాన్స్ ఉంది. ఆరోజు కృష్ణ పుట్టినరోజు సందర్భంగా ఈ సినిమాకి క్లాప్ కొట్టాలనుకుంటున్నారు. ఈ సినిమాను వీలైనంత త్వరగా పూర్తి చేయాలనేది త్రివిక్రమ్ ప్లాన్. త్వరలోనే సినిమాకి సంబంధించిన పూర్తి వివరాలు తెలియనున్నాయి!
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
