ప్రముఖ ఓటీటీలలో ఒకటైన జీ5లో ఈ నెల 22వ తేదీ నుంచి హెడ్స్ అండ్ టేల్స్ మూవీ స్ట్రీమింగ్ కానున్న సంగతి తెలిసిందే. ఇప్పటికే రిలీజైన ట్రైలర్ ఈ సినిమాపై అంచనాలను భారీగా పెంచింది. శ్రీవిద్య, దివ్యశ్రీపాద, చాందిని రావు, సునీల్, సుహాస్ ఈ సినిమాలో కీలక పాత్రల్లో నటించారు. రీఎంట్రీలో సునీల్ నటిస్తున్న సినిమాలలో ఎక్కువ సినిమాలు మంచి ఫలితాన్ని సొంతం చేసుకుంటున్నాయి. కలర్ ఫోటో సినిమాతో బ్లాక్ బస్టర్ ఖాతాలో వేసుకున్న సునీల్ ఖాతాలో మరో హిట్ గ్యారంటీ అని హెడ్స్ అండ్ టేల్స్ ట్రైలర్ చూస్తుంటే అర్థమవుతోంది.
యువతతో పాటు ఫ్యామిలీ ప్రేక్షకులను ఆకట్టుకునేలా ట్రైలర్ ఉండటంతో ప్రేక్షకులు ఈ సినిమా కోసం ఆసక్తిగా ఎదురుచూస్తున్నారు. శ్రీవిద్య, దివ్య శ్రీపాద కాంబినేషన్ రిపీట్ కావడంతో ఇద్దరి అభిమానులు వీళ్ల కెరీర్ లో హెడ్స్ అండ్ టేల్స్ మరో హిట్ గా నిలుస్తుందని భావిస్తున్నారు. ఒక్క రాత్రిలో జరిగే కథతో తెరకెక్కిన ఈ సినిమాలో ముగ్గురు మహిళలు తాము ఇష్టపడే వ్యక్తుల నుంచి ఎదురైన సమస్యలను ఏ విధంగా పరిష్కరించుకున్నారో ప్రధానంగా చూపించనున్నారు.
గత నెలలో జీ5లో స్ట్రీమింగ్ అయిన నెట్ ప్రేక్షకులను ఆకట్టుకోగా హెడ్స్ అండ్ టైల్స్ ట్రైలర్ సూపర్ గా ఉందని యూట్యూబ్ లో నెటిజన్లు కామెంట్లు చేస్తున్నారు. హెడ్స్ అండ్ టేల్స్ స్ట్రీమింగ్ తర్వాత దివ్య, శ్రీవిద్యలకు ఆఫర్లు మరింత పెరిగే ఛాన్స్ ఉందని అభిమానులు భావిస్తున్నారు.
మహా సముద్రం సినిమా రివ్యూ & రేటింగ్!
ఒక్కో సినిమాకు ఈ స్టార్ హీరోలు ఎంతెంత డిమాండ్ చేస్తున్నారో తెలుసా?
టాలీవుడ్ లో బి.టెక్ చదువుకున్న 10 మంది లిస్ట్..!
