మహిళలు ఇబ్బందిపడే ఏదైనా అంశం మీద ఎవరైనా మాట్లాడితే వారిని మహిళా పక్షపాతి అని అంటారు. మరి పురుషులకు సంబంధించిన ఏదైనా విషయం గురించి మాట్లాడిన వారిని ఏమంటారు? ఏమంటారో ఎక్కడా ఇప్పటివరకు ఎక్కడా వినిపించలేదు. నిజానికి అలా మాట్లాడేవారు చాలా తక్కువ కూడా. అందుకే ఎక్కడా పురుష పక్షపాతి అనే పేరు వినిపించదు. ఆఖరికి పురుషుల కష్టాల మీద సినిమాలు తీసేవారు కూడా కరువయ్యారు. ఒకవేళ అలాంటి విషయాల మీద సినిమాలు తీయండి అని అడిగితే నిర్మొహమాటంగా నో చెప్పేస్తున్నారు.
ఇంతకీ ఏమైందంటే.. పుణె బిజినెస్ మ్యాన్ కేతన్ అగర్వాల్ మృతి కేసు దేశవ్యాప్తంగా చర్చనీయాంశమవుతోంది. ఇలాంటి ఘటనలపై సినిమా తీయాలని ‘గర్ల్ఫ్రెండ్’ సినిమా దర్శకుడు రాహుల్ రవీంద్రన్ను ఓ నెటిజన్ కోరారు. ఆయన ఆ అంశంపై తనదైన శైలిలో రియాక్ట్ అవ్వగా.. అదే అంశంపై మరో నెటిజన్కు రాహుల్ రవీంద్రన్ భార్య చిన్మయి శ్రీపాద కూడా కౌంటర్ ఇచ్చారు. దీంతో ఇప్పుడు ఆ కామెంట్లు, రిప్లైలు వైరల్ అవుతున్నాయి.
మన సొసైటీలో గత కొన్ని శతాబ్దాలుగా మహిళలను కుంగదీసే ఒక వ్యవస్థ నడుస్తోంది. నా చుట్టూ ఉన్న చాలా మంది మహిళలు ఇలాంటి పరిస్థితులు ఎదుర్కొంటూ నిశబ్దంగా బాధపడటం చూశాను. అలాంటి ఒక కథనే ‘గర్ల్ ఫ్రెండ్’ సినిమాలో చూపించాను అని రాహుల్ రవీంద్రన్ క్లారిటీ ఇచ్చారు. అక్కడితో ఆగకుండా ఒకవేళ నాకు ఆసక్తికరంగా అనిపించే కథ దొరికితే, భవిష్యత్తులో ఒక మహిళ చేసిన నేరం గురించి సినిమా తీస్తానేమో అని డౌట్ డౌట్గా చెప్పారు.
అంతేకాదు పురుషులపై మహిళలు చేసే నేరాలంటూ జనరలైజ్ చేసి సినిమా తీయను. ఎందుకంటే నా దృష్టిలో ఆ రెండింటికీ చాలా తేడా ఉంది అని రాహుల్ తెలిపారు. అలా చెప్పిన ఆయన ‘గర్ల్ ఫ్రెండ్’ సినిమాలో చూపించిన కథ జనరలైజ్ చేసి చెప్పారా? లేక ఎక్కడైనా జరిగిందా అనేది చెప్పలేదు. నిజంగా జరిగి ఉంటే ఎవరి కథో ముందే చెప్పి ఉంటే సినిమాకు అవార్డులతోపాటు, కాస్త ఎక్కువ పైసలు కూడా వచ్చేవి.
https://www.youtube.com/watch?v=E1ZT4StDFZM&pp=0gcJCUELAYcqIYzv
