టాలీవుడ్ ఇండస్ట్రీ రేంజ్ పెరిగిన తరువాత చాలా మంది ఇతర భాషా నటీనటులు తెలుగులో నటించాలని చూస్తున్నారు. ఈ లిస్ట్ లో బాలీవుడ్ నటుడు, దర్శకుడు ఫర్హాన్ అక్తర్ కూడా ఉన్నారు. చాలా రోజులుగా తనకు తెలుగులో నటించాలని ఉందని.. కానీ తనకు ఇప్పటివరకు ఒక్క ఆఫర్ కూడా రాలేదంటూ విచారం వ్యక్తం చేశారు. ప్రస్తుతం ఆయన నటించిన తాజాగా చిత్రం ‘తుఫాన్’ ఈ నెల 16న అమెజాన్ ప్రైమ్ లో విడుదల కానుంది.
ఈ సందర్భంగా నేషనల్ మీడియాతో ఆన్ లైన్ లో ముచ్చటించిన ఆయన.. పలు ఆసక్తికర విషయాలను వెల్లడించారు. ఈ క్రమంలో టాలీవుడ్ పరిశ్రమపై ప్రశంసలు కురిపించారు. తనకు తెలుగు సినిమాలో నటించాలని చాలా ఆసక్తిగా ఉంది కానీ అవకాశాలు రావడం లేదని.. తన దగ్గరకు మంచి పాత్ర వస్తే తెలుగుల నటించడానికి సిద్ధంగా ఉన్నానంటూ చెప్పుకొచ్చారు. ఈ మధ్యకాలంలో తెలుగులో మంచి సినిమాలు వస్తున్నాయంటూ టాలీవుడ్ ను కొనియాడారు.
ఇక ‘తుఫాన్’ సినిమా గురించి మాట్లాడుతూ.. కథ బాగా నచ్చిందని.. బాక్సర్ అజీజ్ అలీ రోల్ గురించి చెప్పిన వెంటనే సినిమా ఓకే చేశానని అన్నారు. తన ఫ్యూచర్ ప్రాజెక్ట్స్ గురించి చెబుతూ.. త్వరలోనే ఓ కథను డైరెక్ట్ చేయబోతున్నట్లు చెప్పారు. షూటింగ్ మొదలుపెట్టాలని ప్లాన్ చేసినప్పటికీ.. కరోనా కారణంగా ఆగిందని.. త్వరలోనే ఈ సినిమాలు సెట్స్ పైకి తీసుకొస్తానని అన్నారు.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
