పవర్ స్టార్ పవన్ కళ్యాణ్ నుండి ఒక సాలిడ్ హిట్ కోసం దాదాపు దశాబ్ద కాలంగా కళ్లు కాయలు కాచేలా ఎదురుచూస్తున్న అభిమానులకు, దర్శకుడు హరీష్ శంకర్ ఒక ‘ఊరమాస్’ విందును వడ్డించారు.దాని పేరే ‘గబ్బర్ సింగ్'(Gabbar Singh).
‘ఖుషి’ తర్వాత ఆ రేంజ్ హిట్ పడలేదన్న వెలితి పవన్ కళ్యాణ్ ఫ్యాన్స్లో బలంగా ఉండేది. మధ్యలో వచ్చిన ‘పులి'(కొమరం పులి) ‘తీన్ మార్’ ‘పంజా’ వంటి సినిమాలు అంచనాలు అందుకోవడంలో విఫలమయ్యాయి.
అలాంటి క్లిష్ట సమయంలో బాలీవుడ్ ‘దబాంగ్’ రీమేక్గా వచ్చిన ‘గబ్బర్ సింగ్’ సినిమా… పవన్ మ్యానరిజమ్స్ మరియు హరీష్ శంకర్ డైలాగ్ పవర్తో రీమేక్ అనే భావనే కలగకుండా చేసింది అనడంలో ఎటువంటి అతిశయోక్తి లేదు. బండ్ల గణేష్ నిర్మాణంలో వచ్చిన ఈ సినిమా, మొదటి షో నుండే బాక్సాఫీస్ రికార్డులను తిరగరాయడం మొదలుపెట్టింది అని చెప్పాలి. 2012 మే 11న ‘గబ్బర్ సింగ్’ రిలీజ్ అయ్యింది. నేటితో ఈ సినిమా రిలీజ్ అయ్యి 14 ఏళ్ళు పూర్తికావస్తోంది. ఈ సందర్భంగా ఒకసారి టోటల్ బాక్సాఫీస్ కలెక్షన్స్ ను ఓ లుక్కేద్దాం రండి :
| నైజాం | 19.50 cr |
| సీడెడ్ | 9.30 cr |
| ఉత్తరాంధ్ర | 5.50 cr |
| ఈస్ట్ | 3.75 cr |
| వెస్ట్ | 3.43 cr |
| గుంటూరు | 4.35 cr |
| కృష్ణా | 3.18 cr |
| నెల్లూరు | 2.05 cr |
| ఏపీ + తెలంగాణ (టోటల్) | 51.06 cr |
| రెస్ట్ ఆఫ్ ఇండియా | 4.80 cr |
| ఓవర్సీస్ | 4.30 cr |
| వరల్డ్ వైడ్ (టోటల్) | 60.16 cr |
‘గబ్బర్ సింగ్’ సినిమా రూ.38 కోట్ల బ్రేక్ ఈవెన్ టార్గెట్ తో బరిలోకి దిగింది. ఫుల్ రన్ ముగిసేసరికి ఏకంగా రూ.60.16 కోట్ల షేర్ ను రాబట్టింది.మొత్తంగా రూ.22.16 కోట్ల లాభాలు బయ్యర్స్ కి అందించి ఆల్ టైమ్ బ్లాక్ బస్టర్ గా నిలిచింది ‘గబ్బర్ సింగ్’. రీ రీలీజ్లో కూడా రూ.8.3 కోట్ల వరకు కలెక్ట్ చేసింది ‘గబ్బర్ సింగ్’ సినిమా.
