పవర్ స్టార్ పవన్ కళ్యాణ్ (Pawan Kalyan) హీరోగా తెరకెక్కిన ‘హరిహర వీరమల్లు’ (Hari Hara Veera Mallu) సినిమా చాలా ఏళ్లుగా షూటింగ్ దశలో ఉండటం.. ఈ మధ్యనే షూటింగ్ కంప్లీట్ చేసుకుని రిలీజ్ కి రెడీ అవ్వడం జరిగింది. కానీ ఎందుకో ఈ సినిమా రిలీజ్ కోసం చాలా కష్టపడుతున్నారు నిర్మాత ఏ.ఎం.రత్నం. అందుకు కారణాలు కూడా లేకపోలేదు. ఈ సినిమాని 70 శాతం క్రిష్ డైరెక్ట్ చేశారు. పవన్ డేట్స్ ఇవ్వకపోవడం..
ఆయనకు వేరే సినిమా ఆఫర్ రావడంతో ఆయన ప్లేస్లో ఏ.ఎం.రత్నం కొడుకు రత్నం కృష్ణ వచ్చి బ్యాలెన్స్ షూటింగ్ పార్ట్ కంప్లీట్ చేశాడు. ఇతని కెరీర్లో హిట్లు లేవు. కాబట్టి కాంబినేషనల్ క్రేజ్ లేకపోవడం వల్ల ఈ సినిమాకి బిజినెస్ ఆశించిన స్థాయిలో జరగడం లేదు. బడ్జెట్ ఏమో రూ.200 కోట్లు దాటేసింది. రిలీజ్ వాయిదా పడుతూ రావడానికి ఇదే అసలు కారణం అనే టాక్ ఎక్కువగా వినిపిస్తుంది.
ఇదిలా ఉంటే.. తాజాగా ‘హరిహర వీరమల్లు’ (Hari Hara Veera Mallu) కొత్త రిలీజ్ డేట్ పోస్టర్ ఒకటి వదిలారు. అందులో జూలై 24న ఈ సినిమా రిలీజ్ అవుతున్నట్టు ఉంది. సో మొత్తానికి రిలీజ్ డేట్ కన్ఫర్మ్ చేసినందుకు కొంతమంది అభిమానులు సంతోషం వ్యక్తం చేస్తున్నారు. కానీ మరికొంత మంది అభిమానులు ‘ఈసారైనా రిలీజ్ చేస్తారా.. మళ్ళీ వాయిదా వేసి కొత్త పోస్టర్ వదులుతారా?’ అంటూ చమత్కరిస్తున్నారు.
వాళ్ళ చమత్కారం కొంత నిజం లేకపోలేదు. ప్రస్తుతానికి పోస్టర్ అయితే వదిలారు. కానీ రిలీజ్ డేట్ పై ఇంకా చర్చలు నడుస్తూనే ఉన్నాయనేది ఇన్సైడ్ టాక్. మళ్ళీ ‘హరిహర వీరమల్లు’ (Hari Hara Veera Mallu) రిలీజ్ డేట్లో మార్పు అంటూ జరిగితే.. జూలై 25 డేట్ తో పోస్టర్ రావచ్చు అని వినికిడి.
