పవన్ కళ్యాణ్ హీరోగా జ్యోతి కృష్ణ దర్శకత్వంలో ‘హరిహర వీరమల్లు’ అనే చారిత్రాత్మక సినిమా తెరకెక్కింది. జూన్ 24న విడుదలైన ఈ సినిమాని ఏ.ఎం.రత్నం నిర్మించారు. క్రిష్ జాగర్లమూడి దర్శకత్వంలో మొదలైన ఈ సినిమాని కొన్ని మార్పులతో జ్యోతి కృష్ణ పూర్తిచేశారు. ఏపీ రాష్ట్ర ఉప ముఖ్యమంత్రి అయిన తర్వాత పవన్ కళ్యాణ్ నుండి వస్తున్న సినిమా కావడంతో జూలై 23న ప్రీమియర్స్ వేశారు. వాటితో నెగిటివ్ టాక్ వచ్చింది. కానీ టాక్ తో సంబంధం లేకుండా ఓపెనింగ్స్ బాగానే వచ్చాయి అని చెప్పాలి.
కానీ 2వ రోజు నుండి డౌన్ అయ్యింది. మూడో రోజు, నాలుగో రోజు పర్వాలేదు అనిపించింది. ఇక ఈరోజు నుండి అంటే సోమవారం నుండి సినిమాకి అసలైన పరీక్ష మొదలుకానుంది. ఒకసారి ఫస్ట్ వీకెండ్ కలెక్షన్స్ ను గమనిస్తే :
| నైజాం | 15.89 cr |
| సీడెడ్ | 7.61 cr |
| ఉత్తరాంధ్ర | 6.31 cr |
| ఈస్ట్ | 4.69 cr |
| వెస్ట్ | 3.71 cr |
| గుంటూరు | 4.33 cr |
| కృష్ణా | 3.97 cr |
| నెల్లూరు | 1.67 cr |
| ఏపీ+తెలంగాణ | 48.18 cr |
| రెస్ట్ ఆఫ్ ఇండియా | 4.70 cr |
| ఓవర్సీస్ | 6.25 cr |
| వరల్డ్ టోటల్ | 59.13 cr (షేర్) |
‘హరిహర వీరమల్లు’ చిత్రానికి రూ.120 కోట్ల థియేట్రికల్ బిజినెస్ జరిగింది. ఈ సినిమా బ్రేక్ ఈవెన్ కావాలంటే రూ.121 కోట్ల షేర్ ను రాబట్టాల్సి ఉంది. 4 రోజుల్లో ఈ సినిమా రూ.59.13 కోట్ల షేర్ ను రాబట్టింది. గ్రాస్ పరంగా రూ.97 కోట్లు కొల్లగొట్టింది. బ్రేక్ ఈవెన్ కోసం రూ.61.87 కోట్ల షేర్ ను రాబట్టాల్సి ఉంది. 4వ రోజు పర్వాలేదు అనిపించింది. కానీ సోమవారం నుండి అడ్వాన్స్ బుకింగ్స్ చాలా డౌన్ అయ్యాయి. ఈరోజు నుండి నిలకడగా రాణిస్తే తప్ప బ్రేక్ ఈవెన్ కష్టమే అని చెప్పాలి.
