మీకు గుర్తుండి ఉంటే.. కొన్ని రోజుల క్రితం ‘భవదీయుడు భగత్ సింగ్’ అనే ఓ సినిమా అనౌన్స్ అయింది. ‘అవను ఆ తర్వాత అదే ‘ఉస్తాద్ భగత్ సింగ్’గా మారింది అని అంటారా. యస్ ఆ టైటిల్ మార్పు గురించే ఇప్పుడు సోషల్ మీడియాలో చర్చ జరుగుతోంది. ఎందుకంటే ఆ టైటిల్ ఎందుకు మార్చాల్సి వచ్చింది అనే విషయాన్ని దర్శకుడు హరీశ్ శంకర్ చెప్పుకొచ్చారు. ఈ క్రమంలో ఆయన చెప్పిన రీజన్ కొంచెం వింతగా ఉంది. అలాగే ప్రస్తుతం మన తెలుగువారి పరిస్థితి ఇలా ఉందా అనే బాధను కూడా కలిగిస్తోంది.
‘ఉస్తాద్ భగత్సింగ్’ గా సినిమాలోని కొత్త పాటను ఇటీవల చిత్రబృందం విడుదల చేసింది. అదే క్రమంలో సినిమా ప్రచారం కోసం ఇంటర్వ్యూలు, మీడియా ముఖాముఖిలు ఇస్తున్నారు హరీశ్. అందులో ‘భవదీయుడు’ ప్లేస్లో ‘ఉస్తాద్’ ఎందుకు వచ్చింది అనే విషయం చెప్పారు. ‘గబ్బర్సింగ్’లో పవన్ దాదాపు 80 శాతం ఖాకీ దుస్తుల్లోనే కనిపిస్తారు. అందుకే దానికి భిన్నంగా ఉండాలని కాలేజీ బ్యాక్డ్రాప్లో ఓ కథ అనుకున్నాం. అందుకే ‘భవదీయుడు భగత్సింగ్’ టైటిల్ పెట్టాం. ఆ టైటిల్ పవన్కు బాగా నచ్చింది కూడా.
నిజానికి ఆ టైటిల్ ప్రకటించకముందే లీక్ అయిపోయింది. అయితే భవదీయుడు అంటే ఏంటని సోషల్ మీడియాలో జెన్జీ నెటిజన్లు అడిగేవారు. దీంతో సినిమా పేరే అర్థం కాకపోతే ఎలా అని డౌట్ వచ్చింది. మరోవైపు మా కాంబినేషన్లో సినిమా వస్తోంది అంటే మాస్ అంశాలు ఉండాలి అని ఫ్యాన్స్ అనేవారు. కాలేజీ బ్యాక్డ్రాప్ స్టోరీలో సెట్ కాలేదు. దీంతో ‘గబ్బర్సింగ్’ రోల్ నుండి మరో పోలీసు ఆఫీసర్ పాత్ర రాసుకొచ్చాం. అంతేకాదు సినిమా ప్రారంభంలోనే ఉస్తాద్ భగత్ సింగ్ టైటిల్ ఎందుకు పెట్టామో తెలిసిపోతుంది అని చెప్పారు హరీశ్.
‘గబ్బర్సింగ్’ తర్వాత పవన్తో సినిమా చేయడానికి 10 ఏళ్లు గ్యాప్ తీసుకున్నారు.. అని అంఏట.. పవన్ కల్యాణ్ ‘ఖుషి’, ‘కొమరం పులి’ సినిమాల మధ్య చాలా ఏళ్లు గ్యాప్ ఉంది. రెండింటికీ ఎస్.జె. సూర్య దర్శకత్వం వహించారు. నాకు కూడా పవన్తో రెండో సినిమా తీయడానికి సమయం పట్టింది అని ఓ ‘డిజాస్టర్’ పోలిక పెట్టారు హరీశ్.
