కోలీవుడ్ స్టార్ హీరోలలో ఒకరైన విక్రమ్ సినిమా సినిమాకు వైవిధ్యం చూపించడంతో పాటు తన నటనతో ప్రేక్షకులను ఆకట్టుకుంటున్నారు. తంగలాన్ సినిమాతో 2024 సంవత్సరంలో విక్రమ్ ప్రేక్షకుల ముందుకు రానున్నారు. పొన్నియిన్ సెల్వన్ సిరీస్ లతో వరుస విజయాలను అందుకున్న విక్రమ్ తర్వాత సినిమాలతో కూడా భారీ బ్లాక్ బస్టర్ హిట్లు సొంతమవుతాయని భావిస్తున్నారు.
తంగలాన్ మూవీ తెలుగు వెర్షన్ టీజర్ లాంఛ్ కార్యక్రమంలో విక్రమ్ మాట్లాడుతూ తంగలాన్ లాంటి గొప్ప సినిమాలో నటించడం సంతోషాన్ని కలిగించిందని అన్నారు.
నా మూవీ (Thangalaan) ఈవెంట్ కు ఈ స్థాయిలో యూత్ రావడం ఇదే తొలిసారి అని విక్రమ్ కామెంట్లు చేశారు. నా ఈవెంట్ కు ఎప్పుడూ పెద్దవాళ్లు వచ్చి ఆశీర్వదిస్తారని విక్రమ్ చెప్పుకొచ్చారు. 9 నెలలు అనే సినిమా సమయంలో ఈ టీంతో కలిసి పని చేశానని ఆయన కామెంట్లు చేశారు. తంగలాన్ మూవీ విభిన్నమైన కథతో తెరకెక్కుతోందని విక్రమ్ తెలిపారు. ఈ సినిమాలో నాకు డైలాగ్స్ లేవని శివపుత్రుడు తరహాలో ఉంటుందని ఆయన చెప్పుకొచ్చారు.
ఈ సినిమాలో గ్లామర్ అనేది ఉండదని ప్రేక్షకులు ఎమోషనల్ కనెక్ట్ అవుతారని ఆయన కామెంట్లు చేశారు. లైవ్ సౌండ్ లో సినిమా చేశానని విక్రమ్ అన్నారు. తంగలాన్ తెగవారు ఎలా జీవిస్తారో దానినే చిత్రీకరించామని విక్రమ్ తెలిపారు. తెలుగు సినిమాలకు తమిళంలో ఆదరణ దక్కడం లేదనే ప్రశ్నకు విక్రమ్ స్పందిస్తూ ఆ ప్రచారంలో వాస్తవం లేదని ఆయన అన్నారు. బాహుబలి, ఆర్ఆర్ఆర్ తమిళంలో టాప్ గ్రాసర్లుగా నిలిచాయని విక్రమ్ కామెంట్లు చేశారు.
ఐ సినిమాకు జాతీయ అవార్డ్ కోసం ప్రయత్నిస్తున్న సమయంలో నన్ను, నా సినిమాను కాదని బాహుబలి తమిళ్ వెర్షన్ ను జాతీయ అవార్డ్ కు పంపించాలని అనుకున్నారని విక్రమ్ తెలిపారు. విక్రమ్ (Vikram) వెల్లడించిన విషయాలు నెట్టింట తెగ వైరల్ అవుతున్నాయి.
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
