ఫిదా బ్యూటీ సాయి పల్లవికి విజయ గర్వం తలెకెక్కిందా?… చిత్ర యూనిట్ ని ఇబ్బంది పెడుతుందా? అంటే అవుననే అంటున్నారు ఫిలిం నగర్ వాసులు. ఆమె మలయాళంలో చేసిన “ప్రేమమ్(మలయాళం)” సినిమా సూపర్ హిట్ అయింది. ఎన్నో అవార్డులను సొంతం చేసుకుంది. తెలుగులో చేసిన ఫిదా మూవీ కూడా సూపర్ హిట్ అయింది. సాయి పల్లవి నటన వల్లే సినిమా విజయం సాధించిందని అందరూ అభినందించారు. ఫిదా తర్వాత నాని సరసన మిడిల్ క్లాస్ అబ్బాయి మూవీ చేసింది. శ్రీరామ్ వేణు దర్శకత్వంలో తెరకెక్కిన ఈ సినిమా రిలీజ్ కి సిద్ధంగా ఉంది. ఈ సెట్ లో నాని తో సాయి పల్లవి పొగరుగా ప్రవర్తించినట్లు గతంలో వార్తలు వచ్చాయి. “అంతా నా ఇష్టం” అన్నట్టుగా వ్యవహరించినప్పటికీ ఓపిగ్గా నాని భరించినట్లు చిత్ర యూనిట్ చెప్పింది.
దీంతో సాయి పల్లవిపై కోపంతో దిల్ రాజు ఆమెను పక్కన పెట్టారు. తాజాగా ఆమె నటిస్తున్న సినిమా విషయంలోనూ అంతే ప్రవర్తిస్తున్నట్టు తెలిసింది. ఏఎల్ విజయ్ డైరెక్షన్‌లో.. నాగశౌర్య హీరోగా వస్తున్న బైలింగ్వల్ మూవీలోనూ సాయి పల్లవి హీరోయిన్ గా చేస్తుంది. ఈ షూటింగ్ కి చిత్ర యూనిట్ మొత్తం 9 .30 కి సెట్ కి వస్తుంటే.. సాయి పల్లవి మాత్రం 12 గంటలకు వస్తోందంట. సాయి పల్లవి తీరు కారణంగా నాగశౌర్య ఈ ప్రాజెక్ట్‌నే వదులుకునేందుకు సిద్ధమయ్యాడని సమాచారం. డైరెక్టర్, ప్రొడ్యూసర్ చెప్పినప్పటికీ ఆమె తీరు మాత్రం మారటం లేదని టాక్.
