టాలీవుడ్‌లో సినిమాల రిలీజ్‌కు, అందులోనూ పెద్ద సినిమాల రిలీజ్‌కు సరైన నెలల లిస్ట్ రాస్తే అందులో సెప్టెంబరు ఉండదు. ఎందుకంటే వర్షాలు, స్కూళ్లు, పండగ రోజులు ముందుండటం లాంటివి ఈ నెలకు అడ్డుగా ఉంటూ ఉంటాయి. అయితే కొంతమంది నిర్మాతలు సినిమాలు రిలీజ్ చేయడానికి ముందుకొస్తుంటారు. అలా గతేడాది కూడా సెప్టెంబరులో మంచి సినిమాలు రిలీజ్ అయ్యాయి. కానీ సరైన విజయాలు అయితే అందుకోలేదు. కానీ ఈ ఏడాది సెప్టెంబరు నిరుడు లెక్క ఉండదు.. థియేటర్లు దద్దరిల్లుతాయ్‌ అంటున్నారు.
సెప్టెంబరు నెలలో ఏయే (Movies) సినిమాలొస్తాయి అనే విషయంలో ఇప్పుడిప్పుడే క్లారిటీ వస్తోంది. అలా క్లారిటీ వచ్చిన సినిమాల్లో పెద్ద సినిమాలు కూడా ఉన్నాయి. అందులో తొలుతగా చెప్పాల్పింది. విజయ్‌ దేవరకొండ – సమంత – శివ నిర్వాణ ట్రయోలో రూపొందుతున్న చిత్రం ‘ఖుషి’. మైత్రీ మూవీ మేకర్స్ రూపొందిస్తున్న ఈ సినిమా సెప్టెంబరు ఒకటిన ఉంటుంది. అలాగే తొలి వారంలో అంటే ఏడో తేదీన బాలీవుడ్‌ సినిమా ‘జవాన్‌’ వస్తోంది. మామూలుగా అయితే మన లెక్కలోకి ఈ సినిమా రాదు. కానీ సౌత్‌ డైరక్టర్‌, సౌత్‌ స్టార్‌ హీరోయిన్ కాబట్టి లెక్కలోకి తీసుకోవాల్సిందే.
ఇక అదే నెల రెండో వారంలో సిద్ధు జొన్నలగడ్డ, రామ్ వస్తారు. సిద్ధు ‘టిల్లు స్క్వేర్’, బోయపాటి శ్రీనుతో కలసి రామ్ వస్తాడు. రామ్ సినిమాకి ‘స్కంద’ అనే పేరు పరిశీలనలో ఉన్నట్టు సమాచారం. సెప్టెంబర్ 22న ఇప్పటివరకు ఏ సినిమా ఓకే అవ్వలేదు. అయితే సెప్టెంబరు 28న ప్రభాస్ ‘సలార్’ ఉంది. ఈ సినిమా గురించి పరిచయం అక్కర్లేదు. ఈ లెక్కన తొమ్మిదో నెల తళతళ లాడిపోబోతోంది అంటున్నారు. మరి ఈ సినిమాల ఫలితాలు ఎలా ఉంటాయో చూడాలి.
నిరుడు లెక్కుండదు గతేడాది ఏ సినిమాలొచ్చాయో అని అనుకుంటున్నారా? చెబుతాం చెబుతాం అది కూడా చెబుతాం. గతేడాది సెప్టెంబరులో ‘రంగ రంగ వైభవంగా’, ‘ఆ అమ్మాయి గురించి మీకు చెప్పాలి’, ‘నేను మీకు బాగా కావాల్సినవాడిని’, ‘శాకిని డాకిని’, ‘కృష్ణ వ్రింద విహారి’ లాంటి సినిమాలొచ్చాయి. వాటి ఫలితాలు మీకు తెలిసిందే. అయితే ఈ లిస్ట్‌లో ఓ హిట్ సినిమా పేరు రాయలేదు. అదే ‘ఒకే ఒక జీవితం’.
అశ్విన్స్ సినిమా రివ్యూ & రేటింగ్!
ఆ హీరోయిన్లలా ఫిట్ నెస్ కంటిన్యూ చేయాలంటే కష్టమే?
తన 16 ఏళ్ళ కెరీర్లో కాజల్ రిజెక్ట్ చేసిన సినిమాల లిస్ట్..!
