హీరో నిఖిల్ ఇటీవలే ’18 పేజెస్’ సినిమాను పూర్తి చేశారు. దర్శకుడు సూర్య ప్రతాప్ రొమాంటిక్ ఎంటర్టైనర్ గా తెరకెక్కించిన ఈ సినిమాలో అనుపమ పరమేశ్వరన్ హీరోయిన్ గా నటించింది. త్వరలోనే ఈ సినిమా ప్రేక్షకుల ముందుకు రానుంది. ఇదిలా ఉండగా.. ప్రస్తుతం నిఖిల్ ‘కార్తికేయ’ సినిమా సీక్వెల్ లో నటిస్తున్నాడు. ‘కార్తికేయ’ సినిమా సూపర్ హిట్ అవ్వడంతో ఇప్పుడు సీక్వెల్ పై అంచనాలు పెరిగాయి. దర్శకుడు చందు మొండేటి డైరెక్ట్ చేస్తోన్న ఈ సినిమాకి వర్కింగ్ టైటిల్ ‘కార్తికేయ 2’.
కాగా.. ఇప్పుడు ఈ సినిమాకి టైటిల్ లాక్ చేసినట్లు తెలుస్తోంది. కథ ప్రకారం.. సినిమాకి ‘దైవం మనుష్య రూపేణా’ అనే టైటిల్ పెట్టాలని అనుకుంటున్నారట. దర్శకనిర్మాతలతో పాటు హీరోకి కూడా టైటిల్ నచ్చడంతో దాదాపుగా దీన్నే ఫైనల్ చేసే అవకాశాలు ఉన్నాయి. ఇప్పటివరకు ఈ సినిమాను పంజాబ్, రాజస్థాన్, గుజరాత్ లాంటి ప్రాంతాల్లో చిత్రీకరించారు. కొత్త షెడ్యూల్ ని యూరప్, వియాత్నం వంటి దేశాల్లో ప్లాన్ చేసినట్లు తెలుస్తోంది.
ఇటీవలే సినిమా యూనిట్ మొత్తం వాక్సినేషన్లు వేయించుకున్నట్లు తెలుస్తోంది. త్వరలోనే వీరంతా యూరప్ కి వెళ్లనున్నారు. కథ ప్రకారం సినిమాను వివిధ ప్రదేశాల్లో చిత్రీకరించాల్సి ఉందట. పీపుల్ మీడియా ఫ్యాక్టరీ బ్యానర్ పై భారీ బడ్జెట్ తోనే సినిమాను నిర్మిస్తున్నారు. వచ్చే ఏడాదిలో ఈ సినిమా ప్రేక్షకుల ముందుకు వచ్చే అవకాశాలు ఉన్నాయి.
Most Recommended Video
పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్
