‘ఛత్రపతి’ సినిమాతో పాన్‌ ఇండియా హీరో అవుదామనుకుని.. బొక్కబోర్లాపడ్డాడు బెల్లంకొండ సాయి శ్రీనివాస్‌. తెలుగులో వచ్చి, యూట్యూబ్‌లో, ఓటీటీలో జనాలు చూసేసిన సినిమాను కొత్తగా హిందీలో తీసి ఫలితంతో చాలా ఇబ్బంది పడ్డాడు. అయితే ఆ తర్వాత భారీ సినిమా చేద్దామనుకుని ప్రకటన కూడా చేసేశారు. అదే ‘స్టూవర్ట్‌పురం దొంగ’. రవితేజ ‘టైగర్‌ నాగేశ్వరరావు’తో పోటీపడి ఆ తర్వాత ఆగిపోయింది. ఈ విషయం ఇప్పుడెందుకు అనుకుంటున్నారా? మరో సినిమా కూడా ఆగిపోయింది అంటూ పుకారు వస్తోంది కాబట్టి.
‘భీమ్లా నాయక్‌’ సినిమా తర్వాత దర్శకుడు సాగర్‌ కె చంద్ర వివిధ రకాల ప్రయత్నాల తర్వాత బెల్లంకొండ సాయిశ్రీనివాస్‌తో సినిమాను అనౌన్స్‌ చేశారు. సినిమా మొదలుపెట్టి రెండు షెడ్యూల్స్ కూడా పూర్తి చేశారు. అంతేకాదు సినిమాకు ‘టైసన్ నాయుడు’ అనే పేరు కూడా ప్రచారంలోకి వచ్చింది. అయితే తాజాగా మరో వార్త వైరల్‌ అవుతోంది. దీనికి కారణం సాయిశ్రీనివాస్‌ కొత్త సినిమా అంటూ మరో సినిమా వార్త బయటకు రావడమే. అదెలా సాధ్యం అనేది ఒక ప్రశ్న అయితే, నిజమేనా అనేది మరో ప్రశ్న.
సాగర్‌ కె.చంద్ర సినిమా ఆగిపోయిందని, అభిప్రాయ భేదాలు, ఇతరత్రా కారణాల వల్ల ఆ సినిమా క్యాన్సిల్ చేశారనే ప్రచారం జరుగుతోంది. విజయ్‌ కుమార్‌ కనకమేడల సినిమా త్వరలో మొదలవుతుందని, త్వరలోనే ప్రకటన వస్తుంది అని కూడా అంటున్నారు. అయితే టీమ్‌ సమాచారం అయితే… రెండు సినిమాలు ఉన్నాయి అని తెలుస్తోంది. సాగర్‌ కె.చంద్ర సినిమా చిత్రీకరణ పూర్తయ్యాక ‘నాంది’ దర్శకుడి సినిమా ప్రారంభం అవుతుంది అని చెబుతున్నారు.
అయితే సాగర్‌ కె.చంద్ర సినిమా తర్వాత (Bellamkonda Sreenivas) సాయిశ్రీనివాస్‌ ‘రాక్షసుడు 2’ సినిమా ఉంటుంది అని గతంలో వార్తలు వచ్చాయి. మరిప్పుడు అయితే విజయ్‌ కుమార్‌ కనకమేడల సినిమా అంటున్నారు. ఈ విషయంలో క్లారిటీ రావాలి. లేదంటే సినిమాల విషయంలో, లైనప్‌ విషయంలో అనుమానాలు వస్తాయి. చూద్దాం ఎవరు చెబుతారో?
‘పుష్ప’ టు ‘దేవర’.. 2 పార్టులుగా రాబోతున్న 10 సినిమాలు..!
‘సైందవ్’ తో పాటు టాలీవుడ్లో వచ్చిన ఫాదర్-డాటర్ సెంటిమెంట్ మూవీస్ లిస్ట్..!
ఆ హీరోయిన్స్ చేతిలో ఒక సినిమా కూడా లేదంట..!
