గతేడాది మెగాస్టార్ చిరంజీవి హీరోగా సురేంద్ర రెడ్డి డైరెక్షన్లో ‘సైరా నరసింహారెడ్డి’ చిత్రం తెరకెక్కిన సంగతి తెలిసిందే. ఈ చిత్రంలో చిరు నటనకి మంచి స్పందనే లభించింది. మొదటి స్వాతంత్య్ర సమరయోధుడు అయిన ఉయ్యాలవాడ నరసింహారెడ్డి జీవితం ఆధారంగా ఈ చిత్రం తెరకెక్కింది. క్రిటిక్స్ కూడా ఈ చిత్రం పై ప్రశంసలు కురిపించారు. ఇదిలా ఉండగా.. ఆయన తనయుడు చరణ్ ఇప్పుడు రాజమౌళి డైరెక్షన్లో ‘ఆర్.ఆర్.ఆర్’ చిత్రం చేస్తున్న సంగతి తెలిసిందే.
ఈ చిత్రంలో చరణ్ అల్లూరి సీతారామరాజు పాత్రని పోషిస్తున్నాడు. ఇది కూడా చారితాత్మక చిత్రమే! కొన్ని ఫిక్షనల్ ఎలిమెంట్స్ ను జోడించి రాజమౌళి ఈ చిత్రాన్ని తెరకెక్కిస్తున్నాడు. తండ్రి లానే తనయుడు కూడా చారిత్రాత్మక చిత్రం చేస్తుండడంతో మెగా అభిమానులు ఆనందం వ్యక్తం చేస్తున్నారు. ఇప్పుడు పవన్ కళ్యాణ్ కూడా వారి ఆనందాన్ని డబుల్ చెయ్యడానికి రెడీ అయినట్టు తాజా సమాచారం. అసలు విషయం ఏమిటంటే.. పవన్ కళ్యాణ్ ఇప్పుడు క్రిష్ డైరెక్షన్లో ఓ చిత్రం చేస్తున్న సంగతి తెలిసిందే.
ఈ చిత్రంలో పవన్ కూడా చారిత్రక యోధుడైన ‘పండగ సాయన్న’ పాత్రను పోషిస్తున్నాడని సమాచారం. ‘పండగ సాయన్న’ తెలంగాణలోని ఉమ్మడి పాలమూరు జిల్లాకు చెందిన వ్యక్తి. ఇతన్ని తెలంగాణ రాబిన్ హుడ్ అని అంటుంటారట. మరి అతని పాత్రలో పవన్ కళ్యాణ్ కళ్యాణ్ ఎలా మెప్పిస్తాడో చూడాలి.
Most Recommended Video
భానుమతి & రామకృష్ణ సినిమా రివ్యూ & రేటింగ్!
సినిమాల్లోకి రాకముందు మన హీరోయిన్స్ ఎలా ఉంటారో చూస్తే.. షాక్ అవ్వాల్సిందే..!
అట్టర్ ఫ్లాప్ సీజన్ అంటే ఇదేనేమో..!
