సీనియర్ నటుడు జగపతి బాబు తన కెరీర్ లో చాలా ఇబ్బందులను ఎదురుకొన్నారు. సినిమాలు ప్లాప్ అవ్వడం, ఇండస్ట్రీలో అవకాశాలు తగ్గడంతో ఢీలా పడ్డారు. అయితే ఎప్పటికప్పుడు నిలదొక్కుకోవడానికి ప్రయత్నిస్తూనే ఉండేవారు. ఈ క్రమంలో ఆర్థికంగా కూడా సమస్యలు ఏర్పడ్డాయి. తను తీసుకున్న కొన్ని నిర్ణయాల వలన, జల్సా జీవితం అలవాటు కావడంతో ఎన్నో ఇబ్బందులను ఎదుర్కొన్నట్లు గతంలో జగపతి బాబు ఓ ఇంటర్వ్యూలో చెప్పారు. ఇప్పుడు జగపతి బాబు నుండి ఓ సిరీస్ రాబోతుంది.
అదే ‘సముద్రం’. ఇందులో జగపతి మరోసారి తన జీవితాన్ని ఆవిష్కరించబోతున్నారు. ఇదంతా జగ్గూభాయ్ తో ముఖాముఖి కార్యక్రమంలా ఉండబోతుంది. ఓ సిరీస్ మాదిరి కొన్ని ఇంటర్వ్యూలు రాబోతున్నాయట. అందులో ఇప్పటివరకు ఎవరికీ చెప్పని కొన్ని విషయాలను చెప్పబోతున్నాడు జగపతి బాబు. తన అలవాట్లు, నటి సౌందర్యకి సైట్ కొట్టిన సంగతులు, మాఫియాతో జరిగిన విషయాలు ఇలా చాలా సంఘటనలను పంచుకోబోతున్నాడు. నిజానికి ‘సముద్రం’ పేరుతో ఓ వెబ్ సిరీస్ చేయాలనేది జగపతి ఆలోచన.
తన జీవితాన్ని అందులో పాత్రల ద్వారా ఆవిష్కరించాలనుకున్నాడు. కానీ కుదరకపోవడంతో.. ఇలా ఇంటర్వ్యూలతో సరిపెట్టుకుంటున్నారు. ఒక నటుడు తనకు తాను ఓ సిరీస్ ఆఫ్ ఇంటర్వ్యూలు ఇవ్వాలనుకోవడం విశేషమనే చెప్పాలి.
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
