ఫ్యామిలీ చిత్రాల హీరోగా టాలీవుడ్ లో మంచి గుర్తింపు ఉన్న జగపతి బాబు ఫార్మ్ కోల్పోయాక బాలయ్య-బోయపాటి కాంబినేషన్ లో వచ్చిన లెజెండ్ చిత్రంతో విలన్ గా మారాడు. ఆ చిత్రంతో ఆయనకు మంచి బ్రేక్ రావడంతో విలన్ గా క్యారెక్టర్ ఆర్టిస్ట్ గా కొనసాగుతున్నాడు. కాగా ప్రభాస్ హీరోగా దర్శకుడు రాధా కృష్ణ తెరకెక్కిస్తున్న చిత్రంలో జగపతి బాబు ఓ రోల్ చేస్తున్నాడని టాక్. ఫిబ్రవరి12 జగపతి బాబు పుట్టినరోజు కావడంతో ప్రభాస్ చిత్రాన్ని నిర్మిస్తున్న యూవీ క్రియేషన్స్ ఆయనకు పుట్టినరోజు శుభాకాంక్షలు తెలిపారు. అలాగే ఇటీవల ప్రభాస్ పెదనాన్న కృష్ణం రాజు పుట్టినరోజు వేడుకలకు జగపతి బాబు కూడా హాజరయ్యారు.
ప్రభాస్ చిత్రంలో జగపతి బాబు నటిస్తున్నాడంటూ ఎక్కడా స్పష్టమైన సమాచారం రాకున్నప్పటికీ ఈ పరిణామాలతో ఆయన నటిస్తున్నారు అని అనిపిస్తుంది. ప్రభాస్ చిత్రంలో జగపతి బాబు విలన్ రోల్ లేదా ప్రభాస్ ఫాదర్ రోల్ చేసే అవకాశం కలదు. ఇక అనేక మార్లు వాయిదా పడుతూ వచ్చిన ఈ చిత్ర షూటింగ్ ఫుల్ స్వింగ్ లో నడుస్తుంది. ఈ చిత్రం కోసం మరో రెండు భారీ సెట్స్ నిర్మిస్తున్నట్లు తెలుస్తుంది. పీరియాడిక్ లవ్ డ్రామాగా తెరకెక్కుతున్న ఈ చిత్రంలో ప్రభాస్ కి జోడీగా పూజ హెగ్డే నటిస్తుంది.
Most Recommended Video
జాను సినిమా రివ్యూ & రేటింగ్!
సవారి సినిమా రివ్యూ & రేటింగ్!
