విజయ్ చివరి చిత్రంగా ‘జన నాయగన్'(Jana Nayagan) రూపొందింది. ‘దళపతి 69’ గా ప్రారంభమైన ఈ సినిమా షూటింగ్ పూర్తిచేసుకుని 6 నెలలు దాటింది. కానీ ఇంకా విడుదలకు నోచుకోలేదు.
ఈ సినిమాకి సెన్సార్ వాళ్ళు క్లియరెన్స్ ఇవ్వడం లేదు. ఇప్పటికే రివైజింగ్ కమిటీకి వెళ్ళినప్పటికీ.. ఒక సోల్యూషన్ అయితే దొరకట్లేదు.కమిటీ సభ్యుల కోసం ఏర్పాటు చేయాల్సిన స్పెషల్ స్క్రీనింగ్ పలుమార్లు వాయిదా పడింది.
ఈరోజు స్క్రీనింగ్ నిర్వహించినప్పటికీ కొన్ని కారణాల వల్ల అది కూడా ఆగిపోయింది.రివైజింగ్ కమిటీ అధికారులు ఇంకా సినిమాను వీక్షించకపోవడంతో, చిత్ర యూనిట్ సభ్యుల్లో ఆందోళన నెలకొంది. ఒకవేళ రివైజింగ్ కమిటీ ఈరోజే సినిమాని వీక్షించి క్లియరెన్స్ ఇస్తే వారం రోజుల్లో సినిమా రిలీజ్ అయ్యి ఉండేది. ఇప్పుడు ఆ ఛాన్స్ కనిపించడం లేదు.తమిళనాడులో అసెంబ్లీ ఎన్నికలు జరగనున్న నేపథ్యంలో, రాజకీయ అంశాలతో రూపొందిన ఈ సినిమాకి ఇబ్బందులు ఎదురయ్యాయి.
ఎన్నికల కోడ్ ,సెన్సార్ నిబంధనల వల్ల సినిమా డిలే అవుతూ వస్తోంది.వాస్తవానికి ‘జన నాయగన్’ తెలుగు సినిమా ‘భగవంత్ కేసరి’కి రీమేక్. కానీ తమిళ నేటివిటీ అలాగే విజయ్ పోలిటికల్ కెరీర్ ను దృష్టిలో పెట్టుకుని కొన్ని కీలక మార్పులు చేశారు. ఇందులో భాగంగా విలన్ క్యారెక్టరైజేషన్ ని మార్చేశారు. పోలిటికల్ అంశాలు కూడా ఎక్కువ జోడించారు. ఆ మార్పులే సినిమా విడుదలకు బ్రేకులు వేసింది అని చెప్పాలి. ‘భగవంత్ కేసరి’ని ఉన్నది ఉన్నట్టు తీసి ఉంటే ఎటువంటి ఇబ్బందులు ఉండేవి కాదేమో.
