యంగ్ టైగర్ ఎన్టీఆర్ 13 ఏళ్లుగా ఎదురు చూస్తున్న విజయం ఇప్పుడు వరించింది. కొరటాల శివ దర్శకత్వంలో అయన చేసిన సినిమా తెలుగు రాష్ట్రాలతో పాటు ఓవర్ సీస్ లోను భారీ వసూళ్లను సాధిస్తోంది. ఇంతవరకూ ఈ సినిమా 133 కోట్ల గ్రాస్ ను రాబట్టింది. దీంతో తెలుగులో అత్యధిక వసూళ్లను సాధించిన చిత్రాల జాబితాలో 3వ స్థానాన్ని దక్కించుకుంది. ఇదివరకు బాహుబలి- బిగినింగ్, శ్రీమంతుడు, అత్తారింటికి దారేది, సరైనోడు, మగధీర చిత్రాలు తొలి ఐదు స్థానాల్లో ఉండేది.
భారీ కలక్షన్స్ తో మెగా ఫ్యామిలీకి చెందిన మూడు సినిమాల కంటే ముందుకు దూసుకెళ్లిన జనతా గ్యారేజ్ ఇప్పుడు మూడో స్థానంలో కూర్చుంది. దీంతో ఎన్టీఆర్ అభిమానులు పండుగ చేసుకుంటున్నారు. తమ అభిమాన హీరో ఒకే చిత్రంతో ముగ్గురు మెగా హీరోలను వెనక్కి నెట్టారని సంబరాలు జరుపుకుంటున్నారు. ఈనెల ఒకటవ తేదీన రిలీజ్ అయిన జనతా గ్యారేజ్ త్వరలోనే శ్రీమంతుడు స్థానాన్ని కూడా కైవసం చేసుకుంటుందని ధీమా వ్యక్తం చేస్తున్నారు.
