హిట్ డైరక్టర్ కొరటాల శివ, యంగ్ టైగర్ ఎన్టీఆర్ కాంబినేషన్లో వచ్చిన మెసేజ్ ఓరియెంటెడ్ యాక్షన్ మూవీ జనతా గ్యారేజ్ టాలీవుడ్ రికార్డులన్నింటికీ రిపేర్లు చేసింది. సెప్టెంబర్ 1 న విడుదలైన ఈ చిత్రం అత్యంత వేగంగా 50, 100 కోట్ల క్లబ్ లోకి చేరి తారక్ సత్తాను చాటింది. 75 రోజుల్లోనే 85 కోట్ల షేర్ వసూల్ చేసి బాహుబలి బిగినింగ్ తర్వాతి స్థానాన్ని కైవసం చేసుకుంది. ఇప్పుడు ఆ సినిమా పేరిట ఉన్న ఓ రికార్డును బద్దలు కొట్టేందుకు గ్యారేజ్ సిద్ధమైంది.
బాహుబలి చిత్రం మాటీవీ లో ప్రసారమైనప్పుడు అత్యధిక టీఆర్పీ నమోదు చేసింది. ఆ టీఆర్పీ ని షేక్ చేయడానికి అదే మాటీవీ లో ఈ నెల 23 న జనతా గ్యారేజ్ ప్రసారం కానుంది. వందరోజులు కూడా పూర్తి కాకుండా బుల్లి తెరలో వస్తుండడంతో .. దీని కోసం రెండు తెలుగు రాష్ట్రాల ప్రజలు ఆసక్తిగా ఎదురుచూస్తున్నారు. ఈ క్రేజ్ ని బట్టి బాహుబలి నమోదు చేసిన టీఆర్పీ కంటే గ్యారేజ్ మించి పోతుందని పరిశ్రమ వర్గాలు అంచనా వేస్తున్నాయి. బుల్లి తెరలోను జనతా గ్యారేజ్ రికార్డులను రిపేర్ చేస్తుందని ఎన్టీఆర్ అభిమానులు ధీమా వ్యక్తం చేస్తున్నారు.
