“హిట్ టాక్ తో కలెక్షన్స్ రాబట్టడం ఆనవాయితీ. బట్ ఫర్ ఏ చేంజ్.. మెసేజ్ ఫిల్మ్ టాక్ తో రికార్డులు బద్దలు కొట్టడం జనతా గ్యారేజ్ స్టైల్”, “ఆడియన్స్ పద్ధతులు బాగా మారాయి… రివ్యూలు, రేటింగ్లు చూడట్లేదు. మంచి సినిమా అని తెలిస్తే చాలు, ఎగబడి వెళ్లిపోతున్నారు.”.. యంగ్ టైగర్ ఎన్టీఆర్, కొరటాల శివ కాంబినేషన్లో రూపుదిద్దుకున్న జనతా గ్యారేజ్ విడుదలైన అన్ని థియేటర్లలో హౌస్ ఫుల్ కలక్షన్స్ తో దూసుకు పోతోంది. ఓవర్ సీస్ లోను మంచి వసూళ్లను రాబడుతోంది. 50 కోట్ల మార్కును దాటి 100 కోట్ల క్లబ్బులో చేరేందుకు పరుగులు తీస్తున్న ఈ మూవీని జపాన్‌లో రిలీజ్ చేయడానికి సన్నాహాలు చేస్తున్నారు.
అక్కడ తారక్ కు మంచి ఫాలోయింగ్ ఉంది. ఎన్టీఆర్ గత సినిమాలు అక్కడ మంచి వసూళ్లను రాబట్టింది. అందుకే జనతా గ్యారేజ్ జపాన్ థియట్రికల్ హక్కులు పొందిన స్కిప్ సిటీ ఇంటర్నేషనల్ సంస్థ ఈ సినిమాను జపనీస్ సబ్ టైటిల్స్‌తో రిలీజ్ చేయడానికి ప్రయత్నాలు మొదలుపెట్టింది. తెలుగు రాష్ట్రాలతో పాటు విదేశాల్లోనూ కలక్షన్ల వర్షం కురిపిస్తున్న ఈ మూవీ క్రేజ్ తగ్గకముందే ఈ వారంలో విడుదల చేయాలనీ ప్లాన్ చేస్తోంది. అయితే త్వరలో జనతా గ్యారేజ్ మరో రికార్డును తన ఖాతాలో వేసుకోనున్నదన్న మాట.
