బాలీవుడ్ స్టార్ హీరోయిన్లలో ఒకరైన జాన్వీ కపూర్ కు ప్రేక్షకుల్లో ఊహించని స్థాయిలో క్రేజ్ ఉండగా వరుసగా క్రేజీ ప్రాజెక్ట్ లతో జాన్వీ బిజీగా ఉన్న సంగతి తెలిసిందే. దేవర సినిమాతో జాన్వీ కపూర్ టాలీవుడ్ ఇండస్ట్రీలో అదృష్టాన్ని పరీక్షించుకోనుండగా ఈ సినిమాతో జాన్వీకి కెరీర్ బిగ్గెస్ట్ హిట్ దక్కుతుందని ఫ్యాన్స్ భావిస్తున్నారు. తెలుగులో ఈ బ్యూటీకి మరికొన్ని సినిమా ఆఫర్లు కూడా వస్తున్నాయని సమాచారం అందుతోంది. తాజాగా జాన్వీ కపూర్ మాట్లాడుతూ షాకింగ్ కామెంట్లు చేయగా ఆ కామెంట్లు ప్రస్తుతం సోషల్ మీడియాలో వైరల్ అవుతున్నాయి.
జాన్వీ కపూర్ (Janhvi Kapoor) నటించిన బవాల్ మూవీ తాజాగా ఓటీటీలో రిలీజైంది. ఈ సినిమా ప్రమోషన్స్ లో భాగంగా మాట్లాడిన జాన్వీ కపూర్ స్కూల్ డేస్ నుంచి హిస్టరీ అంటే నాకు ప్రాణమని హిస్టరీకి సంబంధించిన వ్యాస రచన పోటీలు ఎక్కడ జరిగినా నేను పాల్గొనేదానినని ఆమె చెప్పుకొచ్చారు. ఇతర సబ్జెక్ట్ లలో నేను ఆర్డినరీ స్టూడెంట్ అయినా హిస్టరీ విషయంలో మాత్రం నేను ఎక్స్ట్రార్డినరీ స్టూడెంట్ అని జాన్వీ కపూర్ వెల్లడించారు.
ప్రపంచ చరిత్ర విషయంలో నాకు పూర్తిస్థాయిలో అవగాహన ఉందని జాన్వీ కపూర్ పేర్కొన్నారు. బవాల్ మూవీలో రెండో ప్రపంచ యుద్ధ ప్రస్తావన ఉంటుందని ఆమె చెప్పుకొచ్చారు. ఈ సినిమా కొరకు ఏ మ్యాన్స్ సెర్చ్ ఫర్ మీనింగ్ అనే బుక్ చదివానని జాన్వీ వెల్లడించారు. ఈ పుస్తకాన్ని చదవడం వల్ల యూదులు అనుభవించిన కష్టాల గురించి తెలిసిందని ఆమె అన్నారు. బవాల్ సినిమాకు సంబంధించి ఈ బుక్ నాకు ఎంతగానో ఉపయోగపడిందని ఆమె అన్నారు.
చారిత్రక కథాంశాలలో నటించే అవకాశం వస్తే నేను అస్సలు వదులుకోనని జాన్వీ కపూర్ చెప్పుకొచ్చారు. జాన్వీ కపూర్ వెల్లడించిన విషయాలు సోషల్ మీడియాలో వైరల్ అవుతున్నాయి. జాన్వీ కపూర్ కు రాబోయే రోజుల్లో మరిన్ని విజయాలు దక్కాలని అభిమానులు కోరుకుంటున్నారు.
హిడింబ సినిమా రివ్యూ & రేటింగ్!
అన్నపూర్ణ ఫోటో స్టూడియో సినిమా రివ్యూ & రేటింగ్!
హత్య సినిమా రివ్యూ & రేటింగ్!
