బాలీవుడ్ బాద్ షా షారూఖ్ ఖాన్ లేటెస్ట్ భారీ యాక్ష‌న్ ఎంట‌ర్ టైన‌ర్ `జవాన్` సరికొత్త చరిత్ర సృష్టించింది. తొలి రోజు రికార్డు కలెక్షన్లు సాధించిన ఈ సినిమా అదే టెంపో కంటిన్యూ చేస్తూ ఆల్ టైమ్ రికార్డు నమోదు చేసింది. రెడ్ చిల్లీస్ ఎంట‌ర్‌టైన్మెంట్ స‌మ‌ర్ప‌ణ‌లో అట్లీ ద‌ర్శ‌కత్వంలో గౌరీ ఖాన్ ఈ చిత్రాన్ని రూపొందించారు. గౌవ‌ర్ వ‌ర్మ ఈ సినిమాకు స‌హ నిర్మాత. హిందీ, తెలుగు, త‌మిళ భాష‌ల్లో ఈ చిత్రం ప్రపంచ వ్యాప్తంగా సెప్టెంబ‌ర్ 7న భారీ ఎత్తున రిలీజ్ అయింది.
అప్పటినుంచి వరుసగా నాలుగు రోజుల పాటు బాక్సాఫీస్ దాడి చేసి ఏకంగా 500 కోట్ల క్లబ్‌లో చేరిపోయింది ఈ జవాన్ సినిమా. అన్ని వర్గాల ప్రేక్షకులకు ఆకట్టుకుంటూ దేశవ్యాప్తంగా పాజిటివ్ వైబ్స్ తో దూసుకుపోతోంది. ఈ భారీ సినిమాను దాదాపు 10000 స్క్రీన్లలో రిలీజ్ చేయడం విశేషం. ఈ సినిమా 300 కోట్ల రూపాయల షేర్ సాధిస్తే బ్రేక్ ఈవెన్ అవుతుంది. అయితే అలవోకగా క్రాస్ చేసి బాక్సాఫీస్ దుమ్ముదులుపుతున్నాడు ఈ జవాన్. ప్రపంచ వ్యాప్తంగా ఈ సినిమా కలెక్షన్ల వర్షాన్ని కురిపిస్తోంది.
మొదటి రోజే దాదాపు 130 కోట్ల వరకు రాబట్టిన ఈ (Jawan Movie) జవాన్.. వరుసగా ఇప్పటివరకు మినిమమ్ 100 కోట్లు రాబడుతూ వచ్చాడు. ప్రతీ రోజూ వంద కోట్లకు పైగానే కలెక్షన్లు రావడంతో ఐదు రోజుల్లోనే ఈ సినిమా కలెక్షన్స్ 500 కోట్లు దాటిపోయాయి. ఈ సినిమాలో నయనతార, ప్రియమణి, దీపికా పదుకొనే కీలక పాత్రల్లో నటించారు. . ఓ వైపు సినిమా వర్క్స్ ఫినిష్ చేస్తూనే మరోవైపు బెస్ట్ ప్రమోషన్స్ చేపట్టి విడుదలకు ముందు భారీ హైప్ తీసుకొచ్చారు మేకర్స్.
ప్రేక్షకుల భారీ అంచనాల నడుమ థియేటర్స్ లో అడుగుపెట్టిన జవాన్.. రావడం రావడమే ఉగ్రరూపం చూపించారు. దీంతో వసూళ్ల సునామీకి బీజం పడి వరుసగా అన్ని రోజులు ఒకే లెవెల్ లో కలెక్షన్ల ప్రవాహం పారుతోంది. ఈ సినిమాతో నయనతార మొదటిసారి షారుఖ్ ఖాన్‌తో కలిసి నటించడం విశేషం. ఈ మూవీ నయన్ కెరీర్ లో మరో బ్లాక్ బస్టర్ హిట్ గా నిలిచింది. ప్రస్తుతం జవాన్ వసూళ్ల ప్రవాహం అదే రేంజ్ లో కంటిన్యూ అవుతోంది.
జవాన్ సినిమా రివ్యూ & రేటింగ్!
మిస్ శెట్టి మిస్టర్ పోలిశెట్టి సినిమా రివ్యూ & రేటింగ్!
‘బిగ్ బాస్ 7’ 14 మంది కంటెస్టెంట్స్ పారితోషికాల లిస్ట్..!
