ఎన్టీఆర్‌లో విలక్షణ నటుడు ఉన్నాడు? ఏంటీ కొత్త విషయం చెప్పినట్లు చెబుతున్నారు.. తారక్‌ గురించి మాకు తెలియదా ఏంటి అనుకుంటున్నారా? అవును మీరు చెప్పింది కరెక్టే. అయితే ఇప్పుడు విలక్షణ అనే పదం ఎందుకు వాడాం అంటే.. ఆయన తన తర్వాతి సినిమాలో తనలోని విలక్షణను బయటకు తీసి అభిమానులు, ప్రేక్షకులకు పూనకాలు పుట్టిస్తాడు అని ఓ టాక్‌ నడుస్తోంది. ఈ మేరకు టాలీవుడ్‌, సోషల్‌ మీడియాలో దీని గురించే చర్చ నడుస్తోంది.
ఎన్టీఆర్ – కొరటాల శివ కాంబినేషన్‌లో ‘దేవర’ అనే సినిమా తెరకెక్కతోంది. ఈ సినిమాలో తారక్‌ విభిన్న పార్శ్వాలున్న పాత్రలో మెప్పిస్తాడు అని ఇప్పటికే వార్తలు వచ్చాయి. భయానికే భయం పుట్టించే ఓ నాయకుడు కథ ఈ సినిమా అని కూడా చెబుతున్నారు. మరోవైపు ప్రియురాలికి ఇచ్చిన మాట కోసం ముందుండి నడిచే మగాడులా కనిపిస్తాడు అంటున్నారు. ఇదంతా తన తల్లికి ఇచ్చిన బాస కోసమే చేస్తాడు అంటున్నారు. ఇన్ని యాంగిల్స్‌ ఈ సినిమాలో ఉన్నాయో లేదో తెలియదు కానీ.. తారక్‌లో మాత్రం మరో అపరిచితుడు కనిపిస్తాడు అంటున్నారు.
‘దేవర’ సినిమాలో (Jr NTR) ఎన్టీఆర్ పాత్ర, ఆ పాత్ర దృష్టిలో సాగే మారణహోమం, పాత్రలోని వేరియేషన్స్ కారణంగా సినిమా చాలా అద్భుతంగా ఉంటుందని సన్నిహిత వర్గాలు చెబుతున్నాయి. ఎన్టీఆర్ పాత్రకు మల్టీ పర్సనాలిటీ తరహా క్యారెక్టరైజేషన్‌ను సిద్ధం చేసుకున్నారట కొరటాల శివ. అంటే ‘అపరిచితుడు’ సినిమాలో విక్రమ్‌ తరహాలో అన్నమాట. దీంతో తారక్‌ ఒకేసారి అన్ని ముఖకవళికలు, యాక్షన్‌తో అదరగొడితే చూడాలని ఫ్యాన్స్‌ ఉబలాటపడుతున్నారు.
‘ఆచార్య’ డిజాస్టర్ తర్వాత దర్శకుడు కొరటాల శివ ‘దేవర’ సినిమా కథ కోసం నెలలు తరబడి కసరత్తులు చేశారు. మామూలుగానే సగటు కథలో సోషల్‌ ఎలిమెంట్స్‌ యాడ్‌ చేసే కొరటాల శివ ఈసారి ఇంకాస్త బలంగా సమాజంలోకి వెళ్లేలా ఓ సందేశం రెడీ చేస్తున్నారట. మరి అదేంటో, దాని లెక్కేంటో చూడాలి. సినిమాను వచ్చే ఏడాది ఏప్రిల్‌ 5న రిలీజ్ చేయాలని టీమ్‌ ప్రయత్నాలు చేస్తోంది.
ఆ హీరోయిన్ ఎంత రెమ్యునరేషన్ తీసుకుంటుందో తెలిస్తే షాక్ అవుతారు..!
‘బ్రో’ ‘బలగం’ తో పాటు చావు కాన్సెప్ట్ తో రూపొందిన 10 సినిమాల లిస్ట్..
హైప్ లేకుండా రిలీజ్ అయిన 10 పెద్ద సినిమాలు… ఎన్ని హిట్టు… ఎన్ని ప్లాప్?
