ఇంట్లో సౌందర్యను పెట్టుకొని వంటింట్లో వినీతతో రొమాన్స్ చేసిన విక్టరీ వెంకటేష్ ను చూసి ఇన్స్పైర్ అయ్యాడో ఏమో తెలియదుకానీ.. మన జూనియర్ ఎన్టీయార్ కూడా ఇద్దరు హీరోయిన్లతో ఒకేసారి రొమాన్స్ చేయడానికి రెడీ అయిపోతున్నాడు. ఇదివరకు కూడా కొన్ని సినిమాల్లో ఇద్దరు హీరోయిన్లతో రొమాన్స్ చేసినప్పటికీ.. ఏ ఒక్క హీరోయిన్ నూ పెళ్లాడలేదు (సినిమాలో). అయితే.. “జనతా గ్యారేజ్”లో మాత్రం నిత్యామీనన్ మన బుడ్డోడి భార్యగా కనిపించనుందట.
ఈ వార్త బయటకు వచ్చేసరికి మరి సమంత సంగతేంటి? అనే ప్రశ్నలు తలెత్తాయి.
మరి దర్శకుడు కొరటాల శివ మైండ్ లో ఏముందో తెలియదుకానీ.. నిత్యామీనన్ కు భర్తగా ఉంటూనే సమంతతో సరసాలాడతాడట జూనియర్. మరి ఈ లెక్క వెనుక ఉన్న అసలు కథ ఏమిటో “జనతా గ్యారేజ్” యూనిట్ కే తెలియాలి. ప్రస్తుతం కేరళలో చిత్రీకరణ జరుపుకొంటున్న ఈ చిత్రం ఆడియో ఆగస్ట్ 12న, సినిమా సెప్టెంబర్ 2న ప్రేక్షకుల ముందుకురానుంది. సో, జూనియర్ ఎన్టీయార్ ఇంట్లో నిత్యామీనెన్ ను పెట్టుకొని వంటింట్లో సమంతతో చేసే రొమాన్స్ ను ఆడియన్స్ ఎలా రిసీవ్ చేసుకొంటారో చూడాలి!
