టాలీవుడ్ స్టార్ హీరోయిన్ కాజల్ అగర్వాల్ గతేడాది ప్రముఖ వ్యాపారవేత్తలలో ఒకరైన గౌతమ్ కిచ్లును వివాహం చేసుకున్న సంగతి తెలిసిందే. నిన్న కాజల్ పుట్టినరోజు కాగా పుట్టినరోజు సందర్భంగా పలువురు సినీ ప్రముఖులు కాజల్ కు పుట్టినరోజు శుభాకాంక్షలు తెలిపారు. ఆచార్య సినిమా నుంచి కాజల్ పుట్టినరోజు కానుకగా కొత్త పోస్టర్ రిలీజ్ కాగా ఆ పోస్టర్ ప్రేక్షకులను ఎంతగానో ఆకట్టుకోవడం గమనార్హం. అయితే కాజల్ అగర్వాల్ చెల్లి నిషా అగర్వాల్ అక్కను ఒక కోరిక కోరారు.
తన కొడుకు పెద్దవాడు అవుతున్నాడని అందువల్ల తన సోదరి కాజల్ కు కూడా పిల్లలు కావాలని కోరుకుంటున్నానని ఆమె తెలిపారు. తన కొడుకుకు మూడు సంవత్సరాల వయస్సు వచ్చిందని తన సోదరి ఒక బేబీని ఇస్తే బాగుంటుందని ఇది స్వార్థమే అనిపించినా నాకోసం నేను కోరుకుంటున్నానని నిషా అగర్వాల్ చెప్పుకొచ్చారు. మరి చెల్లి కోరిక విషయంలో అక్క ఏ విధంగా స్పందిస్తారో చూడాల్సి ఉంది. కాజల్ ప్రస్తుతం సినిమా ఆఫర్లతో బిజీగా ఉన్నారు.
పెళ్లైనా అన్ని రకాల పాత్రల్లో నటించడానికి ఆసక్తి చూపుతుండటంతో పాటు బోల్డ్ రోల్స్ లో నటించడానికి కూడా కాజల్ గ్రీన్ సిగ్నల్ ఇస్తున్నారు. ఒకవైపు సినిమాల్లో నటిస్తూనే మరోవైపు వెబ్ సిరీస్ లలో కాజల్ నటిస్తుండటం గమనార్హం. కాజల్ దంపతులు పిల్లల విషయాన్ని ఇప్పట్లో పట్టించుకునే అవకాశం అయితే లేదని ఆమె అభిమానులు అభిప్రాయపడుతున్నారు. కాజల్ నటించిన ఆచార్య సినిమా దసరాకు రిలీజ్ కానుందని వార్తలు వస్తున్నాయి.
Most Recommended Video
బాలకృష్ణ మిస్ చేసుకున్న సినిమాల లిస్ట్.. హిట్లే ఎక్కువ..!
సింహా టైటిల్ సెంటిమెంట్ బాలయ్యకి ఎన్ని సార్లు కలిసొచ్చిందో తెలుసా?
26 ఏళ్ళ ‘పెదరాయుడు’ గురించి ఈ 10 సంగతులు మీకు తెలుసా?
