చాలాకాలం తర్వాత మంచువిష్ణు మోసగాళ్లు అంటూ ప్రేక్షకుల ముందుకు వస్తున్నాడు. రియల్ గా జరిగిన ఇన్సిడెంట్స్ తో తీసిన ఈసినిమాలో మనోడు నెగిటివ్ రోల్ లో కనిపించబోతున్నాడు. రీసంట్ గా ఈ సిిమా ట్రైలర్ ని లాంఛ్ చేసింది చిత్రయూనిట్. ఈ ట్రైలర్ లాంఛ్ లో మంచు విష్ణు సినిమా గురించి కొన్ని ఆసక్తికరమైన విషయాలని చెప్పాడు. నిజానికి ఈ సినిమాలో ఫస్ట్ హీరోయిన్ గా చేయాల్సింది ప్రీతి జింతా అని, కానీ తను నాకే షాక్ ఇచ్చిందని చెప్పాడు. లాస్ ఏంజెల్స్ లో ఉన్నప్పుడు కథ కూడా క్లియర్ గా చెప్పానని, కథ మొత్తం విన్న తర్వాత ఈ సినిమా చేస్తే నన్ను కొడతారు.
ప్లీజ్ నువ్వు కూడా సినిమా చేయకు అంటూ నాకు కూడా స్వీట్ వార్నింగ్ ఇచ్చిందని విష్ణు సెన్సేషనల్ కామెంట్స్ చేశాడు. ఆ తర్వాత కాజల్ ని అడిగితే తను చాలా స్పోర్టివ్ గా ఈ క్యారెక్టర్ చేస్తానని చెప్పిందని, ప్రస్తుతం లీడింగ్ హీరోయిన్ గా ఉన్నప్పటికీ నా సినిమా చేసినందుకు కాజల్ కి థ్యాంక్స్ అంటూ చెప్పుకొచ్చాడు మంచు విష్ణు. అసలు ఈసినిమాలో ఏముంది మోసగాళ్లు ఏ కథని ఆధారంగా చేసి తీశారు అనేది ఒక్కసారి మనం చూసినట్లయితే, 2015లో బ్రదర్ అండ్ సిస్టర్స్ కలిసి ముంబాయి, గుజరాత్ లలో మకాం పెట్టి సింపుల్ ఐడియాతో 4వేల కోట్ల స్కామ్ చేశారు. దీని ఆధారంగానే ఈసినిమా తెరకెక్కింది.
అందుకే, మంచు విష్ణు అక్క క్యారెక్టర్ కోసం ప్రీతి జింతాని అడిగారట. కానీ ఇప్పుడు విష్ణుకి అక్కగా కాజల్ నటించబోతోందన్నమాట. ఇక ఈ ఇంట్రస్టింగ్ కథని వెండితెరపై చూసి తీరాల్సిందే అని, హాలీవుడ్ స్టాండర్డ్స్ కి ఏమాత్రం తీసి పోకుండా ఈ సినిమాని తెరకెక్కించామని చెప్తున్నాడు మంచువారబ్బాయి. సునీల్ శెట్టి, నవదీప్, నవీన్ చంద్ర ఈ సినిమాలో మెయిన్ క్యారెక్టర్స్ లో కనిపించనున్నారు. ఈ సినిమా తెలుగు, తమిళ్, మలయాళం, కన్నడ, హిందీ భాషల్లో గ్రాండ్ గా విడుదల చేయనున్నారు. ఈ సినిమా ట్రైలర్ ని మెగాస్టార్ చిరంజీవి లాంఛ్ చేయడం విశేషం.
Most Recommended Video
పిట్ట కథలు సిరీస్ రివ్యూ & రేటింగ్!
నాంది సినిమా రివ్యూ & రేటింగ్!
పొగరు సినిమా రివ్యూ & రేటింగ్!
