ప్రభాస్ (Prabhas) నాగ్ అశ్విన్ (Nag Ashwin)(Nag Ashwin)కాంబినేషన్ లో తెరకెక్కిన కల్కి 2898 ఏడీ (Kalki 2898 AD) అభిమానులను ఏ స్థాయిలో మెప్పించిందో ప్రత్యేకంగా చెప్పాల్సిన అవసరం లేదు. మరో వీకెండ్ ను కూడా ఈ సినిమా క్యాష్ చేసుకునే అవకాశాలు కనిపిస్తున్నాయి. గతంతో పోల్చి చూస్తే ఆక్యుపెన్సీ తగ్గినా కలెక్షన్ల విషయంలో ఈ సినిమా సంచలనాలు కొనసాగుతూనే ఉన్నాయి. కల్కి మూవీ హిందీ వెర్షన్ ఫస్ట్ డే కలెక్షన్లు 22 కోట్ల రూపాయలుగా ఉన్నాయి.
అయితే మార్వెల్ సిరీస్ లో భాగంగా ఈ నెల 26వ తేదీన విడుదల కానున్న వాల్వరిన్ అండ్ డెడ్ పూల్ మూవీ నార్త్ లో కల్కి హిందీ వెర్షన్ సాధించిన ఫస్ట్ డే కలెక్షన్ల రికార్డ్ ను బ్రేక్ చేసే ఛాన్స్ అయితే ఉంది. ఈ ఏడాది నార్త్ లో ఫస్ట్ డే హైయెస్ట్ కలెక్షన్లను సొంతం చేసుకున్న సినిమా కల్కి 2898 ఏడీ కావడం గమనార్హం. అయితే వాల్వరిన్ అండ్ డెడ్ పూల్ మూవీకి మల్టీప్లెక్స్ లో రికార్డ్ స్థాయిలో బుకింగ్స్ జరిగాయి.
1,20,000కు పైగా టికెట్లు మల్టీప్లెక్స్ చైన్ థియేటర్లలో అమ్ముడవడం రిలీజ్ కు మరో 36 గంటల సమయం ఉండటంతో కల్కి హిందీ వెర్షన్ ఫస్ట్ డే కలెక్షన్ల రికార్డ్ బ్రేక్ అవుతుందా? లేదా? అనే చర్చ జరుగుతోంది. ఈ హాలీవుడ్ మూవీ కలెక్షన్ల పరంగా సంచలనాలు సృష్టిస్తుందో లేదో చూడాల్సి ఉంది. దేశవ్యాప్తంగా రికార్డ్ స్థాయి స్క్రీన్లలో ఈ సినిమా రిలీజ్ కానుందని సమాచారం అందుతోంది.
కల్కి 2898 ఏడీ మూవీ భవిష్యత్తులో అవార్డ్స్ విషయంలో సైతం అదుర్స్ అనిపిస్తుందని ప్రభాస్, అమితాబ్ (Amitabh Bachchan) ఈ సినిమాకు ఎక్కువ సంఖ్యలో అవార్డులు అందుకోవడం కూడా పక్కా అని కామెంట్లు వ్యక్తమవుతున్నాయి. కల్కి సీక్వెల్ ఈ ఏడాది చివర్లో మొదలయ్యే అవకాశాలు అయితే ఉన్నాయి. ఈ సినిమాపై అంచనాలు అంతకంతకూ పెరుగుతుండగా ఈ సినిమా ఫస్ట్ పార్ట్ ను మించి మెప్పిస్తే చాలని సులువుగా 2000 కోట్ల కలెక్షన్లు వస్తాయని అభిప్రాయాలు వ్యక్తమవుతున్నాయి.
