ప్రభాస్ (Prabhas) నాగ్ అశ్విన్ (Nag Ashwin) కాంబినేషన్ లో తెరకెక్కుతున్న కల్కి (Kalki 2898 AD) సినిమాకు బాక్సాఫీస్ వద్ద అనుకూల పరిస్థితులు ఉన్నాయి. తొలిరోజే ఈ సినిమా 200 కోట్ల రూపాయల రేంజ్ లో కలెక్షన్లు సాధించడం ఖాయమని ఫ్యాన్స్ ఫీలవుతున్నారు. బుక్ మై షో, పేటీఎం యాప్స్ లో కల్కి బుకింగ్స్ మామూలుగా లేవని చెప్పవచ్చు. గంటకు 50,000 టికెట్లు సైతం అమ్ముడవుతూ ఉండటంతో బుకింగ్స్ లో కల్కి అదుర్స్ అనిపిస్తోందని కామెంట్లు వినిపిస్తున్నాయి.
బాహుబలి2 (Baahubali 2) సినిమా తొలిరోజు 200 కోట్ల రూపాయల కలెక్షన్ల మార్క్ ను అందుకోగా ఆ రికార్డ్ ను బ్రేక్ చేసే మూవీ కల్కి అని ఫ్యాన్స్ ఫిక్స్ అయ్యారు. ఈ వారం తెలుగు రాష్ట్రాల్లోని థియేటర్లలో రిలీజవుతున్న ఒకే ఒక్క మూవీ కల్కి కాగా తెలుగు రాష్ట్రాల్లో 90 శాతం పైగా థియేటర్లలో ఈ సినిమా ప్రదర్శితం కానుంది. ప్రముఖ మల్టీప్లెక్స్ లలో మార్నింగ్ షోలకు కల్కి టికెట్స్ దొరకడం లేదని ప్రభాస్ ఫ్యాన్స్ కామెంట్లు చేస్తున్నారు.
టికెట్ రేట్స్ ఒకింత ఎక్కువగానే ఉన్నా ప్రభాస్ అభిమానులు మాత్రం వీలైనంత త్వరగా ఈ సినిమాను థియేటర్లలో చూడాలని కామెంట్లు చేస్తున్నారు. ఏపీలో మాత్రం కల్కి బుకింగ్స్ మొదలుకావాల్సి ఉంది. కల్కి 2898 ఏడీ సినిమాను త్రీడీలో చూడటానికి ఫ్యాన్స్ ఎక్కువగా ఆసక్తి కనబరుస్తున్నారు. కల్కి సినిమా ప్రమోషన్స్ కూడా అదుర్స్ అనేలా ఉండటం గమనార్హం.
బాక్సాఫీస్ వద్ద ప్రభాస్ కల్కి సినిమాతో సృష్టించే విధ్వంసం మామూలుగా ఉండదని ట్రేడ్ వర్గాలు సైతం ఈ సినిమా కలెక్షన్లు చూసి షాకవ్వడం ఖాయమని తెలుస్తోంది. హైదరాబాద్ నగర శివార్లలో ఉన్న థియేటర్లలో సైతం కల్కి సినిమాకు టికెట్లు దొరికే పరిస్థితులు లేవు. కల్కి 2898 ఏడీ ఏ రేంజ్ లో బాక్సాఫీస్ ను షేక్ చేస్తుందో తెలియాలంటే సినిమా రిలీజ్ వరకు ఆగాల్సిందే.
